biTha rakkha hai darwaze pe kyon darban holi mein

biThā rakkhā hai darvāze pe kyoñ darbān holī meñ

gale miltā hai har insān se insān holī meñ

buḌhāpe meñ nazar aa.ī ḳhudā kī shaan holī meñ

banī haiñ un se zaa.id un kī ammāñ jaan holī meñ

hasīnoñ se bharā hai rang kā maidān holī meñ

mirī rakhnā tū hī ab aabrū bhagvān holī meñ

kisī ruḳh se koī āshiq nikal kar jā nahīñ saktā

hasīnoñ ne lagā rakkhā hai chūhe-dān holī meñ

abhī rangīn ḳhālī tan hai man bhī laal ho jaa.e

tum apne haath se ham ko khilā do paan holī meñ

ba-nām-e-rang chhū sakte haiñ sab ke gore gāloñ ko

vahī mushkil jo kal tak thī vo hai āsān holī meñ

sasur se saas se aur sāliyoñ ke baad sāloñ se

gale mil kar nikāle jā.eñge armān holī meñ

javānī meñ huī shādī buḌhāpe meñ huā bachcha

juā khelā dīvālī meñ huā chālān holī meñ

sab is sūrat se kheleñ rang 'nāvak' ek dil ho kar

rahe phir mard aurat kī na kuchh pahchān holī meñ

biTha rakkha hai darwaze pe kyon darban holi mein

gale milta hai har insan se insan holi mein

buDhape mein nazar aai KHuda ki shan holi mein

bani hain un se zaid un ki amman jaan holi mein

hasinon se bhara hai rang ka maidan holi mein

meri rakhna tu hi ab aabru bhagwan holi mein

kisi ruKH se koi aashiq nikal kar ja nahin sakta

hasinon ne laga rakkha hai chuhe-dan holi mein

abhi rangin KHali tan hai man bhi lal ho jae

tum apne hath se hum ko khila do pan holi mein

ba-nam-e-rang chhu sakte hain sab ke gore galon ko

wahi mushkil jo kal tak thi wo hai aasan holi mein

sasur se sas se aur saliyon ke baad salon se

gale mil kar nikale jaenge arman holi mein

jawani mein hui shadi buDhape mein hua bachcha

jua khela diwali mein hua chaalan holi mein

sab is surat se khelen rang 'nawak' ek dil ho kar

rahe phir mard aurat ki na kuchh pahchan holi mein