rakhta nahin hai dasht sarokar aab se
rakhtā nahīñ hai dasht sarokār aab se
bahlā.e jaate haiñ yahāñ pyāse sarāb se
din meñ bhī ghar ujāle se mahrūm hai to hai
kirnoñ kā kyā savāl karūñ āftāb se
bilkul durust hote hue fail ho gayā
maiñ ne javāb naql kiyā thā kitāb se
vo saal ho ki maah ho din ho ki ho ghaḌī
baaqī nahīñ bachūñgā kisī ke hisāb se
har shai par ik uchaTtī nazar Dāltā chalūñ
be-kār hogā merā utarnā rikāb se
tarmīm hazf aur izāfe ke saath saath
ye kulliyāt pur hai mire intiḳhāb se
rakhta nahin hai dasht sarokar aab se
bahlae jate hain yahan pyase sarab se
din mein bhi ghar ujale se mahrum hai to hai
kirnon ka kya sawal karun aaftab se
bilkul durust hote hue fail ho gaya
main ne jawab naql kiya tha kitab se
wo sal ho ki mah ho din ho ki ho ghaDi
baqi nahin bachunga kisi ke hisab se
har shai par ek uchaTti nazar Dalta chalun
be-kar hoga mera utarna rikab se
tarmim hazf aur izafe ke sath sath
ye kulliyat pur hai mere intiKHab se
- Book : Kulliyat-e-Rahi (Pg. 443)
- Author : Ghulam Murtaza Rahi
- Publication : Educational Publishing House (2012)
- Edition : 2012
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
