subu uTha mere saqi ki raat jati hai
subū uThā mire saaqī ki raat jaatī hai
nazar milā mire saaqī ki raat jaatī hai
ki tū manā.e mujhe is liye maiñ rūThā huuñ
mujhe manā mire saaqī ki raat jaatī hai
hai merī jaan mirī jaañ tire tabassum meñ
tū muskurā mire saaqī ki raat jaatī hai
shab-e-visāl kī ḳhushbū fazā kī rañgīnī
kahīñ se lā mire saaqī ki raat jaatī hai
kisī bahār kā naġhma koī suhānī ġhazal
tū gungunā mire saaqī ki raat jaatī hai
phir ik fareb meñ ye shab guzar na jaa.e kahīñ
qasam na khā mire saaqī ki raat jaatī hai
qarīb ho ke bhī 'āzim' ke tū qarīb nahīñ
palaT ke aa mire saaqī ki raat jaatī hai
subu uTha mere saqi ki raat jati hai
nazar mila mere saqi ki raat jati hai
ki tu manae mujhe is liye main ruTha hun
mujhe mana mere saqi ki raat jati hai
hai meri jaan meri jaan tere tabassum mein
tu muskura mere saqi ki raat jati hai
shab-e-visal ki KHushbu faza ki rangini
kahin se la mere saqi ki raat jati hai
kisi bahaar ka naghma koi suhani ghazal
tu gunguna mere saqi ki raat jati hai
phir ek fareb mein ye shab guzar na jae kahin
qasam na kha mere saqi ki raat jati hai
qarib ho ke bhi 'azim' ke tu qarib nahin
palaT ke aa mere saqi ki raat jati hai
- Book : Aaghaz (Pg. 34)
- Author : Aazim Gurvinder Singh Kohli
- Publication : Aazim Gurvinder Singh Kohli, 3/78 Punjabi Bagh,New Delhi-110026 (january 1998)
- Edition : january 1998
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
