rabta lakh sahi qafila-salar ke sath

rābta laakh sahī qāfila-sālār ke saath

ham ko chalnā hai magar vaqt kī raftār ke saath

ġham lage rahte haiñ har aan ḳhushī ke pīchhe

dushmanī dhuup kī hai sāya-e-dīvār ke saath

kis tarah apnī mohabbat kī maiñ takmīl karūñ

ġham-e-hastī bhī to shāmil hai ġham-e-yār ke saath

lafz chuntā huuñ to mafhūm badal jaatā hai

ik na ik ḳhauf bhī hai jur.at-e-iz.hār ke saath

dushmanī mujh se kiye jā magar apnā ban kar

jaan le le mirī sayyād magar pyaar ke saath

do ghaḌī aao mil aa.eñ kisī 'ġhālib' se 'qatīl'

hazrat-e-'zauq' to vābasta haiñ darbār ke saath

rabta lakh sahi qafila-salar ke sath

hum ko chalna hai magar waqt ki raftar ke sath

gham lage rahte hain har aan KHushi ke pichhe

dushmani dhup ki hai saya-e-diwar ke sath

kis tarah apni mohabbat ki main takmil karun

gham-e-hasti bhi to shamil hai gham-e-yar ke sath

lafz chunta hun to mafhum badal jata hai

ek na ek KHauf bhi hai jurat-e-izhaar ke sath

dushmani mujh se kiye ja magar apna ban kar

jaan le le meri sayyaad magar pyar ke sath

do ghaDi aao mil aaen kisi 'ghaalib' se 'qatil'

hazrat-e-'zauq' to wabasta hain darbar ke sath