muñh na Dhāñko ab to sūrat dekh lī
dekh lī ai hūr-e-tal.at dekh lī
shakl badlī aur sūrat ho ga.ī
ik nazar jis ne vo sūrat dekh lī
ek but sajda nahīñ kartā tujhe
bas ḳhudāyā terī qudrat dekh lī
hai ayaañ hāl-e-sag-e-as.hāb-e-kahf
jānvar kī ādamiyyat dekh lī
chaar din bhī to na tum se nibh sakī
aap kī sāhab-salāmat dekh lī
jānte the ham na iizā hijr kī
vo bhī sāhib kī badaulat dekh lī
ghūrte haiñ ab nigāh-e-qahr se
chaar din chashm-e-ināyat dekh lī
kyuuñ ajal ab zahr pisvātā huuñ maiñ
raah terī ek muddat dekh lī
khul ga.ī bande pe qadr-o-manzilat
thī jo sāhib kī haqīqat dekh lī
jā ke ghar jhūToñ na pūchhī baat tak
bas tirī jhūTī mohabbat dekh lī
us se kah 'ādat se jo vāqif na ho
dekh lī ḳhū terī ḳhaslat dekh lī
bahr-e-hastī meñ faqat misl-e-habāb
hai mujhe ik dam kī mohlat dekh lī
aap hairāñ hogā apne husn kā
aa.ine meñ gar vo sūrat dekh lī
chāñdnī rātoñ meñ chillātā phirā
chāñd sī jis ne vo sūrat dekh lī
phir vahī hai boriyā aur apnā faqr
chaar din kī jāh-o-hashmat dekh lī
kyuuñ churātā hai vo kāfir mujh se aañkh
kyā nigāh-e-chashm-e-hasrat dekh lī
yaad aayā 'rind' vo paimāñ-shikan
gar kahīñ bāham mohabbat dekh lī
munh na Dhanko ab to surat dekh li
dekh li ai hur-e-talat dekh li
shakl badli aur surat ho gai
ek nazar jis ne wo surat dekh li
ek but sajda nahin karta tujhe
bas KHudaya teri qudrat dekh li
hai ayan haal-e-sag-e-ashab-e-kahf
jaanwar ki aadamiyyat dekh li
chaar din bhi to na tum se nibh saki
aap ki sahab-salamat dekh li
jaante the hum na iza hijr ki
wo bhi sahib ki badaulat dekh li
ghurte hain ab nigah-e-qahr se
chaar din chashm-e-inayat dekh li
kyun ajal ab zahr piswata hun main
rah teri ek muddat dekh li
khul gai bande pe qadr-o-manzilat
thi jo sahib ki haqiqat dekh li
ja ke ghar jhuTon na puchhi baat tak
bas teri jhuTi mohabbat dekh li
us se kah 'adat se jo waqif na ho
dekh li KHu teri KHaslat dekh li
bahr-e-hasti mein faqat misl-e-habab
hai mujhe ek dam ki mohlat dekh li
aap hairan hoga apne husn ka
aaine mein gar wo surat dekh li
chandni raaton mein chillata phira
chand si jis ne wo surat dekh li
phir wahi hai boriya aur apna faqr
chaar din ki jah-o-hashmat dekh li
kyun churaata hai wo kafir mujh se aankh
kya nigah-e-chashm-e-hasrat dekh li
yaad aaya 'rind' wo paiman-shikan
gar kahin baham mohabbat dekh li
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
