hawa ke taKHt par agar tamam umr tu raha

havā ke taḳht par agar tamām umr tū rahā

mujhe ḳhabar na ho sakī pa saath saath maiñ bhī thā

chamakte nuur ke dinoñ meñ tere āstāñ se duur

vo maiñ ki āftāb kī safed shāḳh par khilā

hijāb aa gayā thā mujh ko dil ke iztirāb par

yahī sabab hai tere dar pe lauT kar na aa sakā

vo kis makāñ kī dhuup thii, galī galī meñ bhar ga.ī

vo kaun sabza-ruḳh thā jo ki mom sā pighal gayā

kabhī to chal ke dekho saa.e pīpaloñ ke des ke

jahāñ laḌakpanā hamāre haath se judā huā

hawa ke taKHt par agar tamam umr tu raha

mujhe KHabar na ho saki pa sath sath main bhi tha

chamakte nur ke dinon mein tere aastan se dur

wo main ki aaftab ki safed shaKH par khila

hijab aa gaya tha mujh ko dil ke iztirab par

yahi sabab hai tere dar pe lauT kar na aa saka

wo kis makan ki dhup thi, gali gali mein bhar gai

wo kaun sabza-ruKH tha jo ki mom sa pighal gaya

kabhi to chal ke dekho sae pipalon ke des ke

jahan laDakpana hamare hath se juda hua