mahfilen luT gain jazbaat ne dam toD diya
mahfileñ luT ga.iiñ jazbāt ne dam toḌ diyā
saaz ḳhāmosh haiñ naġhmāt ne dam toḌ diyā
har masarrat ġham-e-dīroz kā unvān banī
vaqt kī god meñ lamhāt ne dam toḌ diyā
an-ginat mahfileñ mahrūm-e-charāġhāñ haiñ abhī
kaun kahtā hai ki zulmāt ne dam toḌ diyā
aaj phir bujh ga.e jal jal ke umīdoñ ke charāġh
aaj phir tāroñ bharī raat ne dam toḌ diyā
jin se afsāna-e-hastī meñ tasalsul thā kabhī
un mohabbat kī rivāyāt ne dam toḌ diyā
jhilmilāte hue ashkoñ kī laḌī TuuT ga.ī
jagmagātī huī barsāt ne dam toḌ diyā
haa.e ādāb-e-mohabbat ke taqāze 'sāġhar'
lab hile aur shikāyāt ne dam toḌ diyā
mahfilen luT gain jazbaat ne dam toD diya
saz KHamosh hain naghmat ne dam toD diya
har masarrat gham-e-diroz ka unwan bani
waqt ki god mein lamhat ne dam toD diya
an-ginat mahfilen mahrum-e-charaghan hain abhi
kaun kahta hai ki zulmat ne dam toD diya
aaj phir bujh gae jal jal ke umidon ke charagh
aaj phir taron bhari raat ne dam toD diya
jin se afsana-e-hasti mein tasalsul tha kabhi
un mohabbat ki riwayat ne dam toD diya
jhilmilate hue ashkon ki laDi TuT gai
jagmagati hui barsat ne dam toD diya
hae aadab-e-mohabbat ke taqaze 'saghar'
lab hile aur shikayat ne dam toD diya
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
