kya kisi lamha-e-rafta ne sataya hai tujhe

kyā kisī lamha-e-rafta ne satāyā hai tujhe

in dinoñ maiñ ne pareshān sā paayā hai tujhe

bahr-e-shādābī-e-jazbāt kī ai mauj-e-ravāñ

kaun is dasht-e-balā-ḳhez meñ laayā hai tujhe

terī tanvīr salāmat magar ai mahr-e-mubīñ

ghar kī dīvār pe yuuñ kis ne sajāyā hai tujhe

shikva-e-talḳhi-e-hālāt bajā hai lekin

is pe rotā huuñ ki maiñ ne bhī rulāyā hai tujhe

gaah pahnā hai tujhe ḳhil.at-e-zarrīñ kī tarah

gaah paivand ke mānind chhupāyā hai tujhe

tū kabhī mujh se rahī misl-e-sabā dāman-kash

aur kabhī apne hī bistar pe sulāyā hai tujhe

merī āshufta-mizājī meñ nahīñ koī kalām

ruuTh ke saare zamāne se manāyā hai tujhe

kya kisi lamha-e-rafta ne sataya hai tujhe

in dinon main ne pareshan sa paya hai tujhe

bahr-e-shadabi-e-jazbaat ki ai mauj-e-rawan

kaun is dasht-e-bala-KHez mein laya hai tujhe

teri tanwir salamat magar ai mahr-e-mubin

ghar ki diwar pe yun kis ne sajaya hai tujhe

shikwa-e-talKHi-e-haalat baja hai lekin

is pe rota hun ki main ne bhi rulaya hai tujhe

gah pahna hai tujhe KHilat-e-zarrin ki tarah

gah paiwand ke manind chhupaya hai tujhe

tu kabhi mujh se rahi misl-e-saba daman-kash

aur kabhi apne hi bistar pe sulaya hai tujhe

meri aashufta-mizaji mein nahin koi kalam

ruTh ke sare zamane se manaya hai tujhe