ḳhudā ne laaj rakhī merī be-navā.ī kī
bujhā charāġh to jugnū ne rahnumā.ī kī
tire ḳhayāl ne tasḳhīr kar liyā hai mujhe
ye qaid bhī hai bashārat bhī hai rihā.ī kī
qarīb aa na sakī koī be-vazū ḳhvāhish
badan-sarā.e meñ ḳhushbū thī pārsā.ī kī
matā-e-dard hai dil meñ to aañkh meñ aañsū
na raushnī kī kamī hai na raushnā.ī kī
ab apne aap ko qatra bhī kah nahīñ saktā
burā kiyā jo samundar se āshnā.ī kī
use bhī shah ne musāhib banā liyā apnā
jis aadmī se tavaqqo thī lab-kushā.ī kī
vahī to markazī kirdār hai kahānī kā
usī pe ḳhatm hai tāsīr bevafā.ī kī
KHuda ne laj rakhi meri be-nawai ki
bujha charagh to jugnu ne rahnumai ki
tere KHayal ne tasKHir kar liya hai mujhe
ye qaid bhi hai bashaarat bhi hai rihai ki
qarib aa na saki koi be-wazu KHwahish
badan-sarae mein KHushbu thi parsai ki
mata-e-dard hai dil mein to aankh mein aansu
na raushni ki kami hai na raushnai ki
ab apne aap ko qatra bhi kah nahin sakta
bura kiya jo samundar se aashnai ki
use bhi shah ne musahib bana liya apna
jis aadmi se tawaqqo thi lab-kushai ki
wahi to markazi kirdar hai kahani ka
usi pe KHatm hai tasir bewafai ki
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
