juz guman aur tha hi kya mera
juz gumāñ aur thā hī kyā merā
faqat ik merā naam thā merā
nik.hat-e-pairahan se us gul kī
silsila be-sabā rahā merā
mujh ko ḳhvāhish hī DhūñDne kī na thī
mujh meñ khoyā rahā ḳhudā merā
thuuk de ḳhuun jaan le vo agar
ālam-e-tark-e-mudda.ā merā
jab tujhe merī chaah thī jānāñ
bas vahī vaqt thā kaḌā merā
koī mujh tak pahuñch nahīñ paatā
itnā āsān hai patā merā
aa chukā pesh vo muravvat se
ab chalūñ kaam ho chukā merā
aaj maiñ ḳhud se ho gayā māyūs
aaj ik yaar mar gayā merā
juz guman aur tha hi kya mera
faqat ek mera nam tha mera
nikhat-e-pairahan se us gul ki
silsila be-saba raha mera
mujh ko KHwahish hi DhunDne ki na thi
mujh mein khoya raha KHuda mera
thuk de KHun jaan le wo agar
aalam-e-tark-e-muddaa mera
jab tujhe meri chah thi jaanan
bas wahi waqt tha kaDa mera
koi mujh tak pahunch nahin pata
itna aasan hai pata mera
aa chuka pesh wo murawwat se
ab chalun kaam ho chuka mera
aaj main KHud se ho gaya mayus
aaj ek yar mar gaya mera
- Book : gumaan (Pg. 53)
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
