jis jagah jama tere KHak-nashin hote hain
jis jagah jam.a tire ḳhāk-nashīñ hote haiñ
ġhāliban sab meñ numūdār hamīñ hote haiñ
dard-e-sar un ke liye kyuuñ hai mirā ijz-o-niyāz
mere sajdoñ se vo kyuuñ chīñ-ba-jabīñ hote haiñ
un kī mahfil se tasavvur kā ta.alluq hai hameñ
aañkh kar lete haiñ jab band vahīñ hote haiñ
tere jalvoñ ne mujhe gher liyā hai ai dost
ab to tanhā.ī ke lamhe bhī hasīñ hote haiñ
etikāf in dinoñ hai farz sunā hai 'sīmāb'
ramazāñ aa ga.e mai-ḳhāna-nashīñ hote haiñ
jis jagah jama tere KHak-nashin hote hain
ghaaliban sab mein numudar hamin hote hain
dard-e-sar un ke liye kyun hai mera ijz-o-niyaz
mere sajdon se wo kyun chin-ba-jabin hote hain
un ki mahfil se tasawwur ka talluq hai hamein
aankh kar lete hain jab band wahin hote hain
tere jalwon ne mujhe gher liya hai ai dost
ab to tanhai ke lamhe bhi hasin hote hain
etikaf in dinon hai farz suna hai 'simab'
ramazan aa gae mai-KHana-nashin hote hain
- Book : Intekhab-e-Sukhan(Jild-2) (Pg. 247)
- Author : Hasrat Mohani
- Publication : uttar pradesh urdu academy (1983)
- Edition : 1983
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
