jab kabhi KHwab ki ummid bandha karti hai
jab kabhī ḳhvāb kī ummīd bañdhā kartī hai
niiñd āñkhoñ meñ pareshān phirā kartī hai
yaad rakhnā hī mohabbat meñ nahīñ hai sab kuchh
bhuul jaanā bhī baḌī baat huā kartī hai
dekh be-chārgī-e-kū-e-mohabbat koī dam
saa.e ke vāste dīvār duā kartī hai
sūrat-e-dil baḌe shahroñ meñ rah-e-yak-tarfa
jaane vāloñ ko bahut yaad kiyā kartī hai
do ujāloñ ko milātī huī ik rāh-guzār
be-charāgī ke baḌe rañj sahā kartī hai
jab kabhi KHwab ki ummid bandha karti hai
nind aankhon mein pareshan phira karti hai
yaad rakhna hi mohabbat mein nahin hai sab kuchh
bhul jaana bhi baDi baat hua karti hai
dekh be-chaargi-e-ku-e-mohabbat koi dam
sae ke waste diwar dua karti hai
surat-e-dil baDe shahron mein rah-e-yak-tarfa
jaane walon ko bahut yaad kiya karti hai
do ujalon ko milati hui ek rah-guzar
be-charagi ke baDe ranj saha karti hai
- Book : Akelepan Ki Intiha (Pg. 35)
- Author :Jamal Ehsani
- Publication : Rekhta Publications (2018)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
