is qadar aap ka itab rahe

is qadar aap kā itaab rahe

dil ko mere na iztirāb rahe

na paTī un se pyaar kī mīzān

haañ magar rañj be-hisāb rahe

yuuñ shab-e-vasl kā hai aalam yaad

jaise barsoñ kī yaad ḳhvāb rahe

hāl-e-dil sun ke bol uThā qāsid

yaad kis ko ye sab kitāb rahe

muntazir huuñ kisī ke aane kā

kis kī āñkhoñ meñ aa ke ḳhvāb rahe

sub.h ke is hijāb ne maarā

raat bhar aise be-hijāb rahe

ġhair kā muñh aur aap se bāteñ

aisī bātoñ se ijtināb rahe

ham bhī mar kar azaab se chhūTe

aap bhī dāḳhil-e-savāb rahe

haa.e vo din ḳhudā na laa.e yaad

ham se rūThe jo kuchh janāb rahe

bahr-e-hastī se kuuch hai darpesh

yaad mansūba-e-hubāb rahe

ek dam kā yahāñ tavaqquf hai

ḳhema be-chob be-tanāb rahe

kuchh na ban aa.ī us ke aage 'nizām'

do hī bātoñ meñ lā-javāb rahe

is qadar aap ka itab rahe

dil ko mere na iztirab rahe

na paTi un se pyar ki mizan

han magar ranj be-hisab rahe

yun shab-e-wasl ka hai aalam yaad

jaise barson ki yaad KHwab rahe

haal-e-dil sun ke bol uTha qasid

yaad kis ko ye sab kitab rahe

muntazir hun kisi ke aane ka

kis ki aankhon mein aa ke KHwab rahe

subh ke is hijab ne mara

raat bhar aise be-hijab rahe

ghair ka munh aur aap se baaten

aisi baaton se ijtinab rahe

hum bhi mar kar azab se chhuTe

aap bhi daKHil-e-sawab rahe

hae wo din KHuda na lae yaad

hum se ruThe jo kuchh janab rahe

bahr-e-hasti se kuch hai darpesh

yaad mansuba-e-hubab rahe

ek dam ka yahan tawaqquf hai

KHema be-chob be-tanab rahe

kuchh na ban aai us ke aage 'nizam'

do hi baaton mein la-jawab rahe