is hadse ko dekh ke aankhon mein dard hai
is hādse ko dekh ke āñkhoñ meñ dard hai
apnī jabīñ pe apne hī qadmoñ kī gard hai
aa thoḌī der baiTh ke bāteñ kareñ yahāñ
tere to yaar lahje meñ apnā sā dard hai
kyā ho ga.iiñ na jaane tirī garm-joshiyāñ
mausam se aaj haath sivā terā sard hai
tārīḳh bhī huuñ utne baras kī mo.arriḳho
chehre pe mere jitne baras kī ye gard hai
ai raat tere chāñd sitāroñ meñ vo kahāñ
bujhte hue charāġh kī lau meñ jo dard hai
'az.har' jo qatl ho gayā vo bhaa.ī thā magar
qātil bhī mere apne qabīle kā fard hai
is hadse ko dekh ke aankhon mein dard hai
apni jabin pe apne hi qadmon ki gard hai
aa thoDi der baiTh ke baaten karen yahan
tere to yar lahje mein apna sa dard hai
kya ho gain na jaane teri garm-joshiyan
mausam se aaj hath siwa tera sard hai
tariKH bhi hun utne baras ki moarriKHo
chehre pe mere jitne baras ki ye gard hai
ai raat tere chand sitaron mein wo kahan
bujhte hue charagh ki lau mein jo dard hai
'azhar' jo qatl ho gaya wo bhai tha magar
qatil bhi mere apne qabile ka fard hai
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
