ek aur siyah raat hai is raat se aage

ik aur siyah raat hai is raat se aage

ab baat nikal jaane ko hai baat se aage

koshish to bahut kartā huuñ khultā hī nahīñ vo

baiThā hai kahīñ shak sā mulāqāt se aage

dene ko bahut kuchh hai magar vaqt-e-saḳhāvat

hotā hī nahīñ koī mirī zaat se aage

thī kaisī talab jis ko pakaḌne ke junūñ meñ

dil chaltā rahā chaar qadam haat se aage

haañ rāhat-e-dil jān-e-nazar hoñge manāzir

dekhā hī nahīñ kuchh basar-auqāt se aage

thoḌā sā kahīñ jam.a bhī rakh dard kā paanī

mausam hai koī ḳhushk sā barsāt se aage

yuuñ tark-e-ta.alluq na karo is se bhī 'shāhīñ'

kuchh achchhe marāsim nahīñ hālāt se aage

ek aur siyah raat hai is raat se aage

ab baat nikal jaane ko hai baat se aage

koshish to bahut karta hun khulta hi nahin wo

baiTha hai kahin shak sa mulaqat se aage

dene ko bahut kuchh hai magar waqt-e-saKHawat

hota hi nahin koi meri zat se aage

thi kaisi talab jis ko pakaDne ke junun mein

dil chalta raha chaar qadam hat se aage

han rahat-e-dil jaan-e-nazar honge manazir

dekha hi nahin kuchh basar-auqat se aage

thoDa sa kahin jama bhi rakh dard ka pani

mausam hai koi KHushk sa barsat se aage

yun tark-e-talluq na karo is se bhi 'shahin'

kuchh achchhe marasim nahin haalat se aage