ham se vo jān-e-suḳhan rabt-e-navā chāhtī hai
chāñd hai aur charāġhoñ se ziyā chāhtī hai
us ko rahtā hai hamesha marī vahshat kā ḳhayāl
mere gum-gashta ġhazāloñ kā patā chāhtī hai
maiñ ne itnā use chāhā hai ki vo jān-e-murād
ḳhud ko zanjīr-e-mohabbat se rihā chāhtī hai
chāhtī hai ki kahīñ mujh ko bahā kar le jaa.e
tum se baḌh kar to mujhe mauj-e-fanā chāhtī hai
ruuh ko ruuh se milne nahīñ detā hai badan
ḳhair ye biich kī dīvār girā chāhtī hai
ham parindoñ se ziyāda to nahīñ haiñ āzād
ghar ko chalte haiñ ki ab shaam huā chāhtī hai
ham ne in lafzoñ ke pīchhe hī chhupāyā hai tujhe
aur inhīñ se tirī tasvīr banā chāhtī hai
hum se wo jaan-e-suKHan rabt-e-nawa chahti hai
chand hai aur charaghon se ziya chahti hai
us ko rahta hai hamesha mari wahshat ka KHayal
mere gum-gashta ghazalon ka pata chahti hai
main ne itna use chaha hai ki wo jaan-e-murad
KHud ko zanjir-e-mohabbat se riha chahti hai
chahti hai ki kahin mujh ko baha kar le jae
tum se baDh kar to mujhe mauj-e-fana chahti hai
ruh ko ruh se milne nahin deta hai badan
KHair ye bich ki diwar gira chahti hai
hum parindon se ziyaada to nahin hain aazad
ghar ko chalte hain ki ab sham hua chahti hai
hum ne in lafzon ke pichhe hi chhupaya hai tujhe
aur inhin se teri taswir bana chahti hai
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
