ham-safar tu ne paron ko jo mere kaTa hai

ham-safar tū ne paroñ ko jo mire kaaTā hai

tere kirdār kā ye sab se baḌā ghāTā hai

aa.iye aap ko dastār-e-fazīlat dī jaa.e

aap ne apne hī logoñ kā galā kaaTā hai

koī dastak koī aahaT na sadā hai koī

duur tak ruuh meñ phailā huā sannāTā hai

lutf ye hai ki usī shaḳhs ke mamnūn haiñ ham

jis kī talvār ne qistoñ meñ hameñ kaaTā hai

ham pe ġhalbe kī yahī ek to sūrat thī 'vasīm'

buz-diloñ ne yuuñ hī ḳhānoñ meñ nahīñ bāñTā hai

ham-safar tu ne paron ko jo mere kaTa hai

tere kirdar ka ye sab se baDa ghaTa hai

aaiye aap ko dastar-e-fazilat di jae

aap ne apne hi logon ka gala kaTa hai

koi dastak koi aahaT na sada hai koi

dur tak ruh mein phaila hua sannaTa hai

lutf ye hai ki usi shaKHs ke mamnun hain hum

jis ki talwar ne qiston mein hamein kaTa hai

hum pe ghalbe ki yahi ek to surat thi 'wasim'

buz-dilon ne yun hi KHanon mein nahin banTa hai