hum ahl-e-arzu pe ajab waqt aa paDa

ham ahl-e-ārzū pe ajab vaqt aa paḌā

har har qadam pe khel nayā khelnā paḌā

apnā hī shahr ham ko baḌā ajnabī lagā

apne hī ghar kā ham ko pata pūchhnā paḌā

insān kī bulandī o pastī ko dekh kar

insāñ kahāñ khaḌā hai hameñ sochnā paḌā

maanā ki hai farār magar dil ko kyā kareñ

maazī kī yaad hī meñ hameñ Dūbnā paḌā

majbūriyāñ hayāt kī jab had se baḌh ga.iiñ

har aarzū ko pāñv-tale roñdnā paḌā

aage nikal ga.e the zarā apne-āp se

ham ko 'habīb' ḳhud kī taraf lauTnā paḌā

hum ahl-e-arzu pe ajab waqt aa paDa

har har qadam pe khel naya khelna paDa

apna hi shahr hum ko baDa ajnabi laga

apne hi ghar ka hum ko pata puchhna paDa

insan ki bulandi o pasti ko dekh kar

insan kahan khaDa hai hamein sochna paDa

mana ki hai farar magar dil ko kya karen

mazi ki yaad hi mein hamein Dubna paDa

majburiyan hayat ki jab had se baDh gain

har aarzu ko panw-tale rondna paDa

aage nikal gae the zara apne-ap se

hum ko 'habib' KHud ki taraf lauTna paDa