dosto kya kya diwali mein nashat-o-aish hai

dosto kyā kyā divālī meñ nashāt-o-aish hai

sab muhayyā hai jo is hañgām ke shāyāñ hai shai

is tarah haiñ kūcha-o-bāzār par naqsh-o-nigār

ho ayaañ husn-e-nigārisatāñ kī jin se ḳhuub re

garm-joshī apne bā-jām-e-charāġhāñ lutf se

kyā hī raushan kar rahī hai har taraf roġhan kī mai

mā.il-e-sair-e-charāġhāñ ḳhalq har jā dam-ba-dam

hāsil-e-nazzārā husn-e-sham.a-rū yaañ pai-ba-pai

āshiqāñ kahte haiñ māshūqoñ se bā-ijz-o-niyāz

hai agar manzūr kuchh lenā to hāzir haiñ rūpa.e

gar mukarrar arz karte haiñ to kahte haiñ vo shoḳh

ham se lete ho miyāñ takrār-e-hujjat tā-ba-kai

kahte haiñ ahl-e-qimār aapas meñ garm-e-iḳhtilāt

ham to Dab meñ sau ruupe rakhte haiñ tum rakhte ho ke

jiit kā paḌtā hai jis kā daañv vo kahtā huuñ maiñ

sū-e-dast-e-rāst hai mere koī farḳhanda-pai

hai dasahre meñ bhī yuuñ gar farhat-o-zīnat 'nazīr'

par divālī bhī ajab pākīza-tar tyauhār hai

dosto kya kya diwali mein nashat-o-aish hai

sab muhayya hai jo is hangam ke shayan hai shai

is tarah hain kucha-o-bazar par naqsh-o-nigar

ho ayan husn-e-nigarisatan ki jin se KHub re

garm-joshi apne ba-jam-e-charaghan lutf se

kya hi raushan kar rahi hai har taraf roghan ki mai

mail-e-sair-e-charaghan KHalq har ja dam-ba-dam

hasil-e-nazzara husn-e-shama-ru yan pai-ba-pai

aashiqan kahte hain mashuqon se ba-ijz-o-niyaz

hai agar manzur kuchh lena to hazir hain rupae

gar mukarrar arz karte hain to kahte hain wo shoKH

hum se lete ho miyan takrar-e-hujjat ta-ba-kai

kahte hain ahl-e-qimar aapas mein garm-e-iKHtilat

hum to Dab mein sau rupe rakhte hain tum rakhte ho ke

jit ka paDta hai jis ka danw wo kahta hun main

su-e-dast-e-rast hai mere koi farKHanda-pai

hai dasahre mein bhi yun gar farhat-o-zinat 'nazir'

par diwali bhi ajab pakiza-tar tyauhaar hai