tamir-e-kaenat ke saman liye hue

ta.amīr-e-kā.enāt ke sāmāñ liye hue

aa.ī huuñ rāz-e-ālam-e-imkāñ liye hue

jā.ūñ kidhar maiñ kashtī-e-armāñ liye hue

har sāhil-e-murād hai tūfāñ liye hue

jalva nazar fareb hai duniyā hai dil fareb

har aa.ina hai dīda-e-hairāñ liye hue

ḳhud-bīñ tū mere sheva-e-taslīm par na jā

baiThī huuñ rāz-e-ālam-e-imkāñ liye hue

har qatra hai talātum-e-dariyā kī yādgār

har zarra hai numūd-e-bayābāñ liye hue

shān-e-junūñ to dekhiye apne saroñ pe aaj

phirte haiñ mujh ko ḳhār-e-bayābāñ liye hue

allāh re duā-e-lab-e-zaḳhm kā asar

vo ḳhud hī aa rahe haiñ namak-dāñ liye hue

pur-dāġh merā dil rahā bazm-e-nashāt meñ

aayā hazār sham-e-farozāñ liye hue

o be-niyāz dekh tirī bazm-e-nāz se

jaatī huuñ ishq-e-be-sar-o-sāmāñ liye hue

'kulsūm' kal vo guzre haiñ mere qarīb se

āñkhoñ meñ ik sharārat-e-pinhāñ liye hue

tamir-e-kaenat ke saman liye hue

aai hun raaz-e-alam-e-imkan liye hue

jaun kidhar main kashti-e-arman liye hue

har sahil-e-murad hai tufan liye hue

jalwa nazar fareb hai duniya hai dil fareb

har aaina hai dida-e-hairan liye hue

KHud-bin tu mere shewa-e-taslim par na ja

baiThi hun raaz-e-alam-e-imkan liye hue

har qatra hai talatum-e-dariya ki yaadgar

har zarra hai numud-e-bayaban liye hue

shan-e-junun to dekhiye apne saron pe aaj

phirte hain mujh ko KHar-e-bayaban liye hue

allah re dua-e-lab-e-zaKHm ka asar

wo KHud hi aa rahe hain namak-dan liye hue

pur-dagh mera dil raha bazm-e-nashat mein

aaya hazar sham-e-farozan liye hue

o be-niyaz dekh teri bazm-e-naz se

jati hun ishq-e-be-sar-o-saman liye hue

'kulsum' kal wo guzre hain mere qarib se

aankhon mein ek shararat-e-pinhan liye hue