dushman ki dosti hai ab ahl-e-watan ke sath
dushman kī dostī hai ab ahl-e-vatan ke saath
hai ab ḳhizāñ chaman meñ na.e pairahan ke saath
sar par havā-e-zulm chale sau jatan ke saath
apnī kulāh kaj hai usī bāñkpan ke saath
kis ne kahā ki TuuT gayā ḳhanjar-e-farañg
siine pe zaḳhm-e-nau bhī hai dāġh-e-kuhan ke saath
jhoñke jo lag rahe haiñ nasīm-e-bahār ke
jumbish meñ hai qafas bhī asīr-e-chaman ke saath
'majrūh' qāfile kī mire dāstāñ ye hai
rahbar ne mil ke luuT liyā rāhzan ke saath
dushman ki dosti hai ab ahl-e-watan ke sath
hai ab KHizan chaman mein nae pairahan ke sath
sar par hawa-e-zulm chale sau jatan ke sath
apni kulah kaj hai usi bankpan ke sath
kis ne kaha ki TuT gaya KHanjar-e-farang
sine pe zaKHm-e-nau bhi hai dagh-e-kuhan ke sath
jhonke jo lag rahe hain nasim-e-bahaar ke
jumbish mein hai qafas bhi asir-e-chaman ke sath
'majruh' qafile ki mere dastan ye hai
rahbar ne mil ke luT liya rahzan ke sath
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
