dil de rahā thā jo use be-dil banā diyā
āsān kaam aap ne mushkil banā diyā
har saañs ek sho.ala hai har sho.ala ek barq
kyā tū ne mujh ko ai tapish-e-dil banā diyā
is husn-e-zan pe ham-safaroñ ke huuñ pā-ba-gil
mujh be-ḳhabar ko rahbar-e-manzil banā diyā
andhā hai shauq phir nazar imkān par ho kyuuñ
kaam apnā dil ne aap hī mushkil banā diyā
dauḌā lahū ragoñ meñ bañdhī zindagī kī aas
ye bhī burā nahīñ hai jo bismil banā diyā
ġharq o ubuur donoñ kā hāsil hai ḳhatm-e-kar
majbūriyoñ ne mauj ko sāhil banā diyā
us shān-e-ājizī ke fidā jis ne 'ārzū'
har naaz har ġhurūr ke qābil banā diyā
dil de raha tha jo use be-dil bana diya
aasan kaam aap ne mushkil bana diya
har sans ek shoala hai har shoala ek barq
kya tu ne mujh ko ai tapish-e-dil bana diya
is husn-e-zan pe ham-safaron ke hun pa-ba-gil
mujh be-KHabar ko rahbar-e-manzil bana diya
andha hai shauq phir nazar imkan par ho kyun
kaam apna dil ne aap hi mushkil bana diya
dauDa lahu ragon mein bandhi zindagi ki aas
ye bhi bura nahin hai jo bismil bana diya
gharq o ubur donon ka hasil hai KHatm-e-kar
majburiyon ne mauj ko sahil bana diya
us shan-e-ajizi ke fida jis ne 'arzu'
har naz har ghurur ke qabil bana diya
Source :
- Book : Karwaan-e-Ghazal (Pg. 37)
- Author : Farooq Argali
-
Publication : Farid Book Depot (Pvt.) Ltd
(2004)
- Edition : 2004
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
