ye ruke ruke se aansu ye dabi dabi si aahen

ye ruke ruke se aañsū ye dabī dabī sī aaheñ

yūñhī kab talak ḳhudāyā ġham-e-zindagī nibāheñ

kahīñ zulmatoñ meñ ghir kar hai talāsh-e-dasht-e-rahbar

kahīñ jagmagā uThī haiñ mire naqsh-e-pā se rāheñ

tire ḳhānumāñ-ḳharāboñ kā chaman koī na sahrā

ye jahāñ bhī baiTh jaa.eñ vahīñ in kī bārgāheñ

kabhī jāda-e-talab se jo phirā huuñ dil-shikasta

tirī aarzū ne hañs kar vahīñ Daal dī haiñ bāñheñ

mire ahd meñ nahīñ hai ye nishān-e-sar-bulandī

ye rañge hue amāme ye jhukī jhukī kulāheñ

ye ruke ruke se aansu ye dabi dabi si aahen

yunhi kab talak KHudaya gham-e-zindagi nibahen

kahin zulmaton mein ghir kar hai talash-e-dasht-e-rahbar

kahin jagmaga uThi hain mere naqsh-e-pa se rahen

tere KHanuman-KHarabon ka chaman koi na sahra

ye jahan bhi baiTh jaen wahin in ki bargahen

kabhi jada-e-talab se jo phira hun dil-shikasta

teri aarzu ne hans kar wahin Dal di hain banhen

mere ahd mein nahin hai ye nishan-e-sar-bulandi

ye range hue amame ye jhuki jhuki kulahen