ashk mere hain magar dida-e-nam hai us ka
ashk mere haiñ magar dīda-e-nam hai us kā
ye jo hoñToñ pe tabassum hai karam hai us kā
an-kahī baat bhalā likkhūñ to likkhūñ kaise
saade kāġhaz pe koī raaz raqam hai us kā
fāsle aise ki ik umr meñ tai ho na sakeñ
qurbateñ aisī ki ḳhud mujh meñ janam hai us kā
sañg-o-āhan kā baḌā shahr bhī vīrāna lage
ye junūñ merā hai aur dasht-e-sitam hai us kā
dard ban kar mire siine meñ paḌā rahtā hai
ye mirā dil hai ki ik naqsh-e-qadam hai us kaa?
ek tūfāñ kī tarah kab se kināra-kash hai
phir bhī 'bāqar' mirī nazroñ meñ bharam hai us kā
ashk mere hain magar dida-e-nam hai us ka
ye jo honTon pe tabassum hai karam hai us ka
an-kahi baat bhala likkhun to likkhun kaise
sade kaghaz pe koi raaz raqam hai us ka
fasle aise ki ek umr mein tai ho na saken
qurbaten aisi ki KHud mujh mein janam hai us ka
sang-o-ahan ka baDa shahr bhi virana lage
ye junun mera hai aur dasht-e-sitam hai us ka
dard ban kar mere sine mein paDa rahta hai
ye mera dil hai ki ek naqsh-e-qadam hai us ka?
ek tufan ki tarah kab se kinara-kash hai
phir bhi 'baqar' meri nazron mein bharam hai us ka
- Book : Monthly Usloob (Pg. 524)
- Author : Mushfiq Khawaja
- Publication : Usloob 3D 9—26 Nazimabad karachi 180007 (Oct. õ Nov. 1983,Issue No. 5-6)
- Edition : Oct. õ Nov. 1983,Issue No. 5-6
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
