ab aise dasht-mizajon se dur ghar liya jae
ab aise dasht-mizājoñ se duur ghar liyā jaa.e
bajā.e hasrat o girya kuchh aur kar liyā jaa.e
maiñ hāv-hū pe kahānī ko ḳhatm kar dūñgā
ye aam baat nahīñ hai, ise ḳhabar liyā jaa.e
ye nukta ishq-nagar ne mujhe kiyā ta.alīm
ki jis ko zer kahā jaa.e vo zabar liyā jaa.e
hameñ ye ishq bahut raas aane lag gayā hai
to kyā ḳhayāl hai, phir dūsrā bhī kar liyā jaa.e
maiñ apne dost ke pahle hadaf se vāqif thā
ye be-dhyānī nahīñ merī, darguzar liyā jaa.e
ab aise dasht-mizajon se dur ghar liya jae
bajae hasrat o girya kuchh aur kar liya jae
main haw-hu pe kahani ko KHatm kar dunga
ye aam baat nahin hai, ise KHabar liya jae
ye nukta ishq-nagar ne mujhe kiya talim
ki jis ko zer kaha jae wo zabar liya jae
hamein ye ishq bahut ras aane lag gaya hai
to kya KHayal hai, phir dusra bhi kar liya jae
main apne dost ke pahle hadaf se waqif tha
ye be-dhyani nahin meri, darguzar liya jae
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
