aaine se na Daro apna sarapa dekho

aa.ine se na Daro apnā sarāpā dekho

vaqt bhī ek musavvir hai tamāshā dekho

kar lo bāvar koī laayā hai ajā.ib-ghar se

jab kisī jism pe hañstā huā chehrā dekho

chāhiye paanī to lafzoñ ko nichoḌo varna

ḳhushk ho jā.egā afkār kā paudā dekho

shahr kī bhiiḌ meñ shāmil hai akelā-pan bhī

aaj har zehn hai tanhā.ī kā maarā dekho

vo jo ik hasrat-e-be-nām kā saudā.ī hai

us ko patthar ne baḌī duur se taakā dekho

had se baḌhne kī sazā detī hai fitrat sab ko

shaam ko kitnā baḌhā kartā hai saayā dekho

ab to sar phoḌ ke marnā bhī hai mushkil 'najmī'

haa.e is daur meñ patthar bhī hai mahñgā dekho

aaine se na Daro apna sarapa dekho

waqt bhi ek musawwir hai tamasha dekho

kar lo bawar koi laya hai ajaib-ghar se

jab kisi jism pe hansta hua chehra dekho

chahiye pani to lafzon ko nichoDo warna

KHushk ho jaega afkar ka pauda dekho

shahr ki bhiD mein shamil hai akela-pan bhi

aaj har zehn hai tanhai ka mara dekho

wo jo ek hasrat-e-be-nam ka saudai hai

us ko patthar ne baDi dur se taka dekho

had se baDhne ki saza deti hai fitrat sab ko

sham ko kitna baDha karta hai saya dekho

ab to sar phoD ke marna bhi hai mushkil 'najmi'

hae is daur mein patthar bhi hai mahnga dekho