aah-e-jaan-soz ki mahrumi-e-tasir na dekh

āh-e-jāñ-soz kī mahrūmi-e-tāsīr na dekh

ho hī jā.egī koī jiine kī tadbīr na dekh

hādse aur bhī guzre tirī ulfat ke sivā

haañ mujhe dekh mujhe ab merī tasvīr na dekh

ye zarā duur pe manzil ye ujālā ye sukūñ

ḳhvāb ko dekh abhī ḳhvāb kī tābīr na dekh

dekh zindāñ se pare rañg-e-chaman josh-e-bahār

raqs karnā hai to phir paañv kī zanjīr na dekh

kuchh bhī huuñ phir bhī dukhe dil kī sadā huuñ nādāñ

merī bātoñ ko samajh talḳhi-e-taqrīr na dekh

vahī 'majrūh' vahī shā.ir-e-āvāra-mizāj

koī uTThā hai tirī bazm se dil-gīr na dekh

aah-e-jaan-soz ki mahrumi-e-tasir na dekh

ho hi jaegi koi jine ki tadbir na dekh

hadse aur bhi guzre teri ulfat ke siwa

han mujhe dekh mujhe ab meri taswir na dekh

ye zara dur pe manzil ye ujala ye sukun

KHwab ko dekh abhi KHwab ki tabir na dekh

dekh zindan se pare rang-e-chaman josh-e-bahaar

raqs karna hai to phir panw ki zanjir na dekh

kuchh bhi hun phir bhi dukhe dil ki sada hun nadan

meri baaton ko samajh talKHi-e-taqrir na dekh

wahi 'majruh' wahi shair-e-awara-mizaj

koi uTTha hai teri bazm se dil-gir na dekh