vahm-o-gumāñ meñ bhī kahāñ ye inqilāb thā
jo kuchh bhī aaj tak nazar aayā vo ḳhvāb thā
pā-e-murād pā ke vo behāl ho gayā
manzil bahut hasīn thī rasta ḳharāb thā
chehre ko tere dekh ke ḳhāmosh ho gayā
aisā nahīñ savāl tirā lā-javāb thā
us ke paroñ meñ quvvat parvāz thī magar
un mausamoñ kā apnā bhī koī hisāb thā
āñkhoñ meñ zindagī kī tarah aa basā hai vo
merī nazar meñ pahle jo manzar ḳharāb thā
jaise havā kā jhoñkā thā aa kar guzar gayā
vo shaḳhs is ke ba.ad kahāñ dastiyāb thā
saarā kalām us se muanvan huā 'hayāt'
jis kā vajūd ḳhud bhī mukammal kitāb thā
wahm-o-guman mein bhi kahan ye inqilab tha
jo kuchh bhi aaj tak nazar aaya wo KHwab tha
pa-e-murad pa ke wo behaal ho gaya
manzil bahut hasin thi rasta KHarab tha
chehre ko tere dekh ke KHamosh ho gaya
aisa nahin sawal tera la-jawab tha
us ke paron mein quwwat parwaz thi magar
un mausamon ka apna bhi koi hisab tha
aankhon mein zindagi ki tarah aa basa hai wo
meri nazar mein pahle jo manzar KHarab tha
jaise hawa ka jhonka tha aa kar guzar gaya
wo shaKHs is ke baad kahan dastiyab tha
sara kalam us se muanwan hua 'hayat'
jis ka wajud KHud bhi mukammal kitab tha
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
