ujle maile pesh hue
ujle maile pesh hue
jaise ham the pesh hue
aayā kaun kaTahroñ meñ
saath kaTahre pesh hue
apne saare jhuuT khule
kis ke aage pesh hue
andāze jab haar ga.e
phir mafrūze pesh hue
shaah ko shāyad maat huī
shaah ke mohre pesh hue
adl kā chashma suukh gayā
adl ke pyāse pesh hue
ham bhī shāyad saaf na the
Darte Darte pesh hue
lutf to us din aa.egā
jis din khāte pesh hue
'gauhar' kyā ta.azīr lagī
baaqī parche pesh hue
ujle maile pesh hue
jaise hum the pesh hue
aaya kaun kaTahron mein
sath kaTahre pesh hue
apne sare jhuT khule
kis ke aage pesh hue
andaze jab haar gae
phir mafruze pesh hue
shah ko shayad mat hui
shah ke mohre pesh hue
adl ka chashma sukh gaya
adl ke pyase pesh hue
hum bhi shayad saf na the
Darte Darte pesh hue
lutf to us din aaega
jis din khate pesh hue
'gauhar' kya tazir lagi
baqi parche pesh hue
- Book : Funoon (Monthly) (Pg. 289)
- Author : Ahmad Nadeem Qasmi
- Publication : 4 Maklood Road, Lahore (Edition Nov. Dec. 1985,Issue No. 23)
- Edition : Edition Nov. Dec. 1985,Issue No. 23
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
