tumne sach bolne ki jurat ki

tum ne sach bolne kī jur.at kī

ye bhī tauhīn hai adālat kī

manzileñ rāstoñ kī dhuul huiiñ

pūchhte kyā ho tum masāfat kī

apnā zād-e-safar bhī chhoḌ ga.e

jaane vāloñ ne kitnī ujlat kī

maiñ jahāñ qatl ho rahā huuñ vahāñ

mere ajdād ne hukūmat kī

pahle mujh se judā huā aur phir

aks ne ā.īne se hijrat kī

merī āñkhoñ pe us ne haath rakhā

aur ik ḳhvāb kī mahūrat kī

itnā mushkil nahīñ tujhe paanā

ik ghaḌī chāhiye hai fursat kī

ham ne to ḳhud se intiqām liyā

tum ne kyā soch kar mohabbat kī

kaun kis ke liye tabāh huā

kyā zarūrat hai is vazāhat kī

ishq jis se na ho sakā us ne

shā.erī meñ ajab siyāsat kī

yaad aa.ī to hai shanāḳht magar

intihā ho ga.ī hai ġhaflat kī

ham vahāñ pahle rah chuke haiñ 'salīm'

tum ne jis dil meñ ab sukūnat kī

tum ne sach bolne ki jurat ki

ye bhi tauhin hai adalat ki

manzilen raston ki dhul huin

puchhte kya ho tum masafat ki

apna zad-e-safar bhi chhoD gae

jaane walon ne kitni ujlat ki

main jahan qatl ho raha hun wahan

mere ajdad ne hukumat ki

pahle mujh se juda hua aur phir

aks ne aaine se hijrat ki

meri aankhon pe us ne hath rakha

aur ek KHwab ki mahurat ki

itna mushkil nahin tujhe pana

ek ghaDi chahiye hai fursat ki

hum ne to KHud se intiqam liya

tum ne kya soch kar mohabbat ki

kaun kis ke liye tabah hua

kya zarurat hai is wazahat ki

ishq jis se na ho saka us ne

shaeri mein ajab siyasat ki

yaad aai to hai shanaKHt magar

intiha ho gai hai ghaflat ki

hum wahan pahle rah chuke hain 'salim'

tum ne jis dil mein ab sukunat ki