tujhko malum nahin kya hai teri yaadon se

tujh ko ma.alūm nahīñ kyā hai tirī yādoñ se

ek anjān sā rishta hai tirī yādoñ se

raat bechain sī sardī meñ ThiThurtī hai bahut

din bhī har roz sulagtā hai tirī yādoñ se

hijr ke ġham ne mujhe maar diyā thā to kyā

mar ke jiinā bhī to sīkhā hai tirī yādoñ se

aaj phir se jo huā qaid to ye sochūñ huuñ

kal hī sochā thā ki bachnā hai tirī yādoñ se

aise shāmil thā maiñ tujh meñ ki baḌī mushkil se

maiñ ne ab ḳhud ko nikālā hai tirī yādoñ se

kyā batā.eñ ki yahāñ kaise guzārī ham ne

apnī har saañs ko sīñchā hai tirī yādoñ se

'mīt' yādoñ ne bhī kitnā hai satāyā mujh ko

mirā takiya baḌā bhīgā hai tirī yādoñ se

tujh ko malum nahin kya hai teri yaadon se

ek anjaan sa rishta hai teri yaadon se

raat bechain si sardi mein ThiThurti hai bahut

din bhi har roz sulagta hai teri yaadon se

hijr ke gham ne mujhe mar diya tha to kya

mar ke jina bhi to sikha hai teri yaadon se

aaj phir se jo hua qaid to ye sochun hun

kal hi socha tha ki bachna hai teri yaadon se

aise shamil tha main tujh mein ki baDi mushkil se

main ne ab KHud ko nikala hai teri yaadon se

kya bataen ki yahan kaise guzari hum ne

apni har sans ko sincha hai teri yaadon se

'mit' yaadon ne bhi kitna hai sataya mujh ko

mera takiya baDa bhiga hai teri yaadon se