tah-ba-tah hai raaz koi aab ki tahwil mein

tah-ba-tah hai raaz koī aab kī tahvīl meñ

ḳhāmushī yuuñ hī nahīñ rahtī hai gahrī jhiil meñ

maiñ ne bachpan meñ adhūrā ḳhvāb dekhā thā koī

aaj tak masrūf huuñ us ḳhvāb kī takmīl meñ

har ghaḌī ahkām jaarī kartā rahtā hai ye dil

haath bāñdhe maiñ khaḌā huuñ hukm kī ta.amīl meñ

kab mirī marzī se koī kaam hotā hai tamām

har ghaḌī rahtā huuñ maiñ kyuuñ be-sabab tājīl meñ

māñgtī hai ab mohabbat apne hone kā subūt

aur maiñ jaatā nahīñ iz.hār kī tafsīl meñ

mudda.ā terā samajh letā huuñ terī chaal se

tū pareshāñ hai abas alfāz kī tāvīl meñ

apnī ḳhātir bhī to 'ālam' chiiz rakhnī thī koī

ab kahāñ kuchh bhī bachā hai terī is zambīl meñ

tah-ba-tah hai raaz koi aab ki tahwil mein

KHamushi yun hi nahin rahti hai gahri jhil mein

main ne bachpan mein adhura KHwab dekha tha koi

aaj tak masruf hun us KHwab ki takmil mein

har ghaDi ahkaam jari karta rahta hai ye dil

hath bandhe main khaDa hun hukm ki tamil mein

kab meri marzi se koi kaam hota hai tamam

har ghaDi rahta hun main kyun be-sabab tajil mein

mangti hai ab mohabbat apne hone ka subut

aur main jata nahin izhaar ki tafsil mein

muddaa tera samajh leta hun teri chaal se

tu pareshan hai abas alfaz ki tawil mein

apni KHatir bhi to 'alam' chiz rakhni thi koi

ab kahan kuchh bhi bacha hai teri is zambil mein