sach to ye hai be-jagah rabt in dinon paida kiya

sach to ye hai be-jagah rabt in dinoñ paidā kiyā

soch hai har dam yahī ham ko ki ham ne kyā kiyā

vo gayā uTh kar jidhar ko maiñ adhar hairān sā

us ke jaane par bhī kitnī der tak dekhā kiyā

merī aur us shoḳh kī sāhib-salāmat jo huī

sabr o tāqat ne kahā lo ham ne to mujrā kiyā

sair-e-gul kartā thā vo aur aah betābī se maiñ

har taraf gulshan meñ juuñ āb-e-ravāñ dauḌā kiyā

jab talak karte rahe mazkūra us kā mujh se log

jī meñ kuchh sochā kiyā maiñ aur dil dhaḌkā kiyā

dard-e-dil kahnā mirā shāyad ki us ne sun liyā

varna kyuuñ mujh ko dharātā hai bhalā achchhā kiyā

dam-ba-dam hasrat se dekhūñ kyuuñ na sū-e-charḳh maiñ

us ne auroñ kā kiyā us ko hameñ jis kā kiyā

dil mile par bhī milāp aisī jagah hote rahe

jo idhar taḌpā kiye ham vo udhar taḌpā kiyā

mil ga.e the ek baar us ke jo mere lab se lab

umr bhar hoñToñ pe apne maiñ zabāñ pherā kiyā

bas ki hai vo shohra-e-āfāq us ke vāste

ye dil-e-dīvāna kis kis shaḳhs se jhagḌā kiyā

sozish-e-dil kyā kahūñ maiñ jab talak jiitā rahā

ek añgārā sā pahlū meñ mire dahkā kiyā

ishq-bāzī meñ kahā 'jur.at' ko sab ne dekh kar

ye aziiz apnī hamesha jaan par khelā kiyā

sach to ye hai be-jagah rabt in dinon paida kiya

soch hai har dam yahi hum ko ki hum ne kya kiya

wo gaya uTh kar jidhar ko main adhar hairan sa

us ke jaane par bhi kitni der tak dekha kiya

meri aur us shoKH ki sahib-salamat jo hui

sabr o taqat ne kaha lo hum ne to mujra kiya

sair-e-gul karta tha wo aur aah betabi se main

har taraf gulshan mein jun aab-e-rawan dauDa kiya

jab talak karte rahe mazkura us ka mujh se log

ji mein kuchh socha kiya main aur dil dhaDka kiya

dard-e-dil kahna mera shayad ki us ne sun liya

warna kyun mujh ko dharaata hai bhala achchha kiya

dam-ba-dam hasrat se dekhun kyun na su-e-charKH main

us ne auron ka kiya us ko hamein jis ka kiya

dil mile par bhi milap aisi jagah hote rahe

jo idhar taDpa kiye hum wo udhar taDpa kiya

mil gae the ek bar us ke jo mere lab se lab

umr bhar honTon pe apne main zaban phera kiya

bas ki hai wo shohra-e-afaq us ke waste

ye dil-e-diwana kis kis shaKHs se jhagDa kiya

sozish-e-dil kya kahun main jab talak jita raha

ek angara sa pahlu mein mere dahka kiya

ishq-bazi mein kaha 'jurat' ko sab ne dekh kar

ye aziz apni hamesha jaan par khela kiya