paDe hue hain mere jism o jaan mere pichhe

paḌe hue haiñ mire jism o jaañ mire pīchhe

hai ek lashkar-e-ġhārat-girāñ mire pīchhe

pas-e-vafāt ye be-dastaḳhat mirī tahrīr

nahīñ hai aur koī bhī nishāñ mire pīchhe

mire mulāzim o ḳhargāh asp aur shatranj

sab aa.eñ nazm se mātam-kunāñ mire pīchhe

guzar rahī hai añdhere meñ us badan par kyā

na khul sakegī yahī chīstāñ mire pīchhe

uThī huī mire sar par azal se hai talvār

khiñchī huī hai abad se kamāñ mire pīchhe

ghirā huā huuñ janam-din se is ta.āqub meñ

zamīn aage hai aur āsmāñ mire pīchhe

paDe hue hain mere jism o jaan mere pichhe

hai ek lashkar-e-ghaarat-giran mere pichhe

pas-e-wafat ye be-dastaKHat meri tahrir

nahin hai aur koi bhi nishan mere pichhe

mere mulazim o KHargah asp aur shatranj

sab aaen nazm se matam-kunan mere pichhe

guzar rahi hai andhere mein us badan par kya

na khul sakegi yahi chistan mere pichhe

uThi hui mere sar par azal se hai talwar

khinchi hui hai abad se kaman mere pichhe

ghira hua hun janam-din se is taaqub mein

zamin aage hai aur aasman mere pichhe