na apne zabt ko ruswa karo sata ke mujhe

na apne zabt ko rusvā karo satā ke mujhe

ḳhudā ke vāste dekho na muskurā ke mujhe

sivā.e daaġh milā kyā chaman meñ aa ke mujhe

qafas nasīb huā āshiyāñ banā ke mujhe

adab hai maiñ jo jhukā.e hue huuñ aañkh apnī

ġhazab hai tum jo na dekho nazar uThā ke mujhe

ilāhī kuchh to ho āsān naza.a kī mushkil

dam-e-aḳhīr to taskīn de vo aa ke mujhe

ḳhudā kī shaan hai maiñ jin ko dost rakhtā thā

vo dekhte bhī nahīñ ab nazar uThā ke mujhe

mirī qasam hai tumheñ rahravān-e-mulk-e-adam

ḳhudā ke vāste tum bhūlnā na jā ke mujhe

hamārā kaun Thikāna hai ham to 'bismil' haiñ

na apne aap ko rusvā karo satā ke mujhe

na apne zabt ko ruswa karo sata ke mujhe

KHuda ke waste dekho na muskura ke mujhe

siwae dagh mila kya chaman mein aa ke mujhe

qafas nasib hua aashiyan bana ke mujhe

adab hai main jo jhukae hue hun aankh apni

ghazab hai tum jo na dekho nazar uTha ke mujhe

ilahi kuchh to ho aasan naza ki mushkil

dam-e-aKHir to taskin de wo aa ke mujhe

KHuda ki shan hai main jin ko dost rakhta tha

wo dekhte bhi nahin ab nazar uTha ke mujhe

meri qasam hai tumhein rahrawan-e-mulk-e-adam

KHuda ke waste tum bhulna na ja ke mujhe

hamara kaun Thikana hai hum to 'bismil' hain

na apne aap ko ruswa karo sata ke mujhe