main kya hun kaun hun ye bhi KHabar nahin mujhko

maiñ kyā huuñ kaun huuñ ye bhī ḳhabar nahīñ mujh ko

vo is tarah mirī hastī pe chhā.e jaate haiñ

ḳhayāl hī abhī aayā thā kū-e-jānāñ kā

ye haal hai ki qadam Dagmagā.e jaate haiñ

vo pūchhte haiñ dil-e-mubtalā kā haal aur ham

javāb meñ faqat aañsū bahā.e jaate haiñ

kahāñ hai shauq batā ġhairat-e-kashish terī

vo merī ḳhaak se dāman bachā.e jaate haiñ

miTā rahe haiñ vo kyuuñ dāġh-hā-e-dil 'hādī'

charāġh kyuuñ ye jalā kar bujhā.e jaate haiñ

main kya hun kaun hun ye bhi KHabar nahin mujh ko

wo is tarah meri hasti pe chhae jate hain

KHayal hi abhi aaya tha ku-e-jaanan ka

ye haal hai ki qadam Dagmagae jate hain

wo puchhte hain dil-e-mubtala ka haal aur hum

jawab mein faqat aansu bahae jate hain

kahan hai shauq bata ghairat-e-kashish teri

wo meri KHak se daman bachae jate hain

miTa rahe hain wo kyun dagh-ha-e-dil 'hadi'

charagh kyun ye jala kar bujhae jate hain