le ke dil us shoKH ne ek dagh sine par diya

le ke dil us shoḳh ne ik daaġh siine par diyā

jo liyā us kā evaz us se mujhe behtar diyā

duur tujh se sāġhar-e-mai par nazar maiñ ne jo kī

kaasa apnā chashm ne ḳhūnāb-e-dil se bhar diyā

jo sulūk ab dil meñ aaveñ kar mujhe taqdīr ne

dast o baazū bāñdh kar tere havāle kar diyā

dilbaroñ ke shahr meñ begānagī andher hai

āshnā.ī DhūñDtā phirtā huuñ maiñ le kar diyā

baaze hī auqāt rāhat ham ko dī hai charḳh ne

ranj o ġham hī us sitamgar ne 'bayāñ' aksar diyā

le ke dil us shoKH ne ek dagh sine par diya

jo liya us ka ewaz us se mujhe behtar diya

dur tujh se saghar-e-mai par nazar main ne jo ki

kasa apna chashm ne KHunab-e-dil se bhar diya

jo suluk ab dil mein aawen kar mujhe taqdir ne

dast o bazu bandh kar tere hawale kar diya

dilbaron ke shahr mein beganagi andher hai

aashnai DhunDta phirta hun main le kar diya

baze hi auqat rahat hum ko di hai charKH ne

ranj o gham hi us sitamgar ne 'bayan' aksar diya