lahu na ho to qalam tarjuman nahin hota
lahū na ho to qalam tarjumāñ nahīñ hotā
hamāre daur meñ aañsū zabāñ nahīñ hotā
jahāñ rahegā vahīñ raushnī luTā.egā
kisī charāġh kā apnā makāñ nahīñ hotā
ye kis maqām pe laa.ī hai merī tanhā.ī
ki mujh se aaj koī bad-gumāñ nahīñ hotā
bas ik nigāh mirī raah dekhtī hotī
ye saarā shahr mirā mezbāñ nahīñ hotā
tirā ḳhayāl na hotā to kaun samjhātā
zamīñ na ho to koī āsmāñ nahīñ hotā
maiñ us ko bhuul gayā huuñ ye kaun mānegā
kisī charāġh ke bas meñ dhuāñ nahīñ hotā
'vasīm' sadiyoñ kī āñkhoñ se dekhiye mujh ko
vo lafz huuñ jo kabhī dāstāñ nahīñ hotā
lahu na ho to qalam tarjuman nahin hota
hamare daur mein aansu zaban nahin hota
jahan rahega wahin raushni luTaega
kisi charagh ka apna makan nahin hota
ye kis maqam pe lai hai meri tanhai
ki mujh se aaj koi bad-guman nahin hota
bas ek nigah meri rah dekhti hoti
ye sara shahr mera mezban nahin hota
tera KHayal na hota to kaun samjhata
zamin na ho to koi aasman nahin hota
main us ko bhul gaya hun ye kaun manega
kisi charagh ke bas mein dhuan nahin hota
'wasim' sadiyon ki aankhon se dekhiye mujh ko
wo lafz hun jo kabhi dastan nahin hota
Tagged Under
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
