kya kahun jazbaat ka tufan kitna tez hai
kya kahun jazbaat ka tufan kitna tez hai
Akbar Haideri Kashmiri
MORE BYAkbar Haideri Kashmiri
kyā kahūñ jazbāt kā tūfān kitnā tez hai
dil ba-hadd-e-be-ḳhudī ehsās se labrez hai
ishq kī duniyā meñ har taklīf rāhat-ḳhez hai
iztirāb-e-dil bhī ik had tak sukūñ-āmez hai
dīdanī hai ab shikast-e-zabt kī be-chārgī
muskurātā huuñ magar dil dard se labrez hai
dil nigāh-e-nāz ke uThne se pahle uTh gayā
mere ehsāsāt kī raftār kitnī tez hai
aañkh meñ aañsū jigar meñ dard dil meñ iztirāb
aah zabt-e-āh bhī kitnā talātum-ḳhez hai
ishq kī sāda-dilī hai har taraf chhā.ī huī
bārgāh-e-husn meñ har aarzū nau-ḳhez hai
kya kahun jazbaat ka tufan kitna tez hai
dil ba-hadd-e-be-KHudi ehsas se labrez hai
ishq ki duniya mein har taklif rahat-KHez hai
iztirab-e-dil bhi ek had tak sukun-amez hai
didani hai ab shikast-e-zabt ki be-chaargi
muskuraata hun magar dil dard se labrez hai
dil nigah-e-naz ke uThne se pahle uTh gaya
mere ehsasat ki raftar kitni tez hai
aankh mein aansu jigar mein dard dil mein iztirab
aah zabt-e-ah bhi kitna talatum-KHez hai
ishq ki sada-dili hai har taraf chhai hui
bargah-e-husn mein har aarzu nau-KHez hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
