jahan main hone ko ai dost yun to sab hoga
jahāñ meñ hone ko ai dost yuuñ to sab hogā
tire laboñ pe mire lab hoñ aisā kab hogā
isī umiid pe kab se dhaḌak rahā hai dil
tire huzūr kisī roz ye talab hogā
makāñ to hoñge makīnoñ se sab magar ḳhālī
yahāñ bhī dekhūñ tamāshā ye ek shab hogā
koī nahīñ hai jo batlā.e mere logoñ ko
havā ke ruḳh ke badalne se kyā ġhazab hogā
na jaane kyuuñ mujhe lagtā hai aisā hākim-e-shahr
jo hādisa nahīñ pahle huā vo ab hogā
jahan mein hone ko ai dost yun to sab hoga
tere labon pe mere lab hon aisa kab hoga
isi umid pe kab se dhaDak raha hai dil
tere huzur kisi roz ye talab hoga
makan to honge makinon se sab magar KHali
yahan bhi dekhun tamasha ye ek shab hoga
koi nahin hai jo batlae mere logon ko
hawa ke ruKH ke badalne se kya ghazab hoga
na jaane kyun mujhe lagta hai aisa hakim-e-shahr
jo hadisa nahin pahle hua wo ab hoga
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
