hum to hain hasrat-e-didar ke mare hue log

ham to haiñ hasrat-e-dīdār ke maare hue log

ya.anī ik nargis-e-bīmār ke maare hue log

jal ga.e dhuup meñ jo un kā shumār ek taraf

kam nahīñ sāya-e-dīvār ke maare hue log

tū ne ai vaqt palaT kar bhī kabhī dekhā hai

kaise haiñ sab tirī raftār ke maare hue log

dekhte rahte haiñ ḳhud apnā tamāshā din raat

ham haiñ ḳhud apne hī kirdār ke maare hue log

roz hī ḳhalq-e-ḳhudā martī hai yā dobāra

zinda ho jaate haiñ aḳhbār ke maare hue log

terī dahlīz pe iqrār kī ummīd liye

phir khaḌe haiñ tire inkār ke maare hue log

hum to hain hasrat-e-didar ke mare hue log

yani ek nargis-e-bimar ke mare hue log

jal gae dhup mein jo un ka shumar ek taraf

kam nahin saya-e-diwar ke mare hue log

tu ne ai waqt palaT kar bhi kabhi dekha hai

kaise hain sab teri raftar ke mare hue log

dekhte rahte hain KHud apna tamasha din raat

hum hain KHud apne hi kirdar ke mare hue log

roz hi KHalq-e-KHuda marti hai ya dobara

zinda ho jate hain aKHbar ke mare hue log

teri dahliz pe iqrar ki ummid liye

phir khaDe hain tere inkar ke mare hue log