Sher on Dushmani

aa gayā 'jauhar' ajab ulTā zamāna kyā kaheñ

dost vo karte haiñ bāteñ jo adū karte nahīñ

aa gaya 'jauhar' ajab ulTa zamana kya kahen

dost wo karte hain baaten jo adu karte nahin

vafā par daġhā sulh meñ dushmanī hai

bhalā.ī kā hargiz zamāna nahīñ hai

wafa par dagha sulh mein dushmani hai

bhalai ka hargiz zamana nahin hai

jo dost haiñ vo māñgte haiñ sulh kī duā

dushman ye chāhte haiñ ki aapas meñ jañg ho

jo dost hain wo mangte hain sulh ki dua

dushman ye chahte hain ki aapas mein jang ho

log Darte haiñ dushmanī se tirī

ham tirī dostī se Darte haiñ

log Darte hain dushmani se teri

hum teri dosti se Darte hain

apne begāne se ab mujh ko shikāyat na rahī

dushmanī kar ke mire dost ne maarā mujh ko

apne begane se ab mujh ko shikayat na rahi

dushmani kar ke mere dost ne mara mujh ko

umr bhar milne nahīñ detī haiñ ab to ranjisheñ

vaqt ham se ruuTh jaane kī adā tak le gayā

umr bhar milne nahin deti hain ab to ranjishen

waqt hum se ruTh jaane ki ada tak le gaya

ye bhī ik baat hai adāvat kī

roza rakkhā jo ham ne dāvat kī

ye bhi ek baat hai adawat ki

roza rakkha jo hum ne dawat ki

kise ḳhabar vo mohabbat thī yā raqābat thī

bahut se log tujhe dekh kar hamāre hue

kise KHabar wo mohabbat thi ya raqabat thi

bahut se log tujhe dekh kar hamare hue

dushmanoñ ne jo dushmanī kī hai

dostoñ ne bhī kyā kamī kī hai

dushmanon ne jo dushmani ki hai

doston ne bhi kya kami ki hai

nigāh-e-nāz kī pahlī sī barhamī bhī ga.ī

maiñ dostī ko hī rotā thā dushmanī bhī ga.ī

nigah-e-naz ki pahli si barhami bhi gai

main dosti ko hi rota tha dushmani bhi gai

mujhe jo dostī hai us ko dushmanī mujh se

na iḳhtiyār hai us kā na merā chārā hai

mujhe jo dosti hai us ko dushmani mujh se

na iKHtiyar hai us ka na mera chaara hai

dushmanī kā safar ik qadam do qadam

tum bhī thak jāoge ham bhī thak jā.eñge

dushmani ka safar ek qadam do qadam

tum bhi thak jaoge hum bhi thak jaenge

ai dost tujh ko rahm na aa.e to kyā karūñ

dushman bhī mere haal pe ab āb-dīda hai

ai dost tujh ko rahm na aae to kya karun

dushman bhi mere haal pe ab aab-dida hai

kare hai adāvat bhī vo is adā se

lage hai ki jaise mohabbat kare hai

kare hai adawat bhi wo is ada se

lage hai ki jaise mohabbat kare hai

maiñ mohabbat na chhupā.ūñ tū adāvat na chhupā

na yahī raaz meñ ab hai na vahī raaz meñ hai

main mohabbat na chhupaun tu adawat na chhupa

na yahi raaz mein ab hai na wahi raaz mein hai

dushmanī ne sunā na hovegā

jo hameñ dostī ne dikhlāyā

dushmani ne suna na howega

jo hamein dosti ne dikhlaya

aise bigḌe ki phir jafā bhī na kī

dushmanī kā bhī haq adā na huā

aise bigDe ki phir jafa bhi na ki

dushmani ka bhi haq ada na hua

dushmanī jam kar karo lekin ye gunjā.ish rahe

jab kabhī ham dost ho jaa.eñ to sharminda na hoñ

dushmani jam kar karo lekin ye gunjaish rahe

jab kabhi hum dost ho jaen to sharminda na hon

maiñ hairāñ huuñ ki kyuuñ us se huī thī dostī apnī

mujhe kaise gavāra ho ga.ī thī dushmanī apnī

main hairan hun ki kyun us se hui thi dosti apni

mujhe kaise gawara ho gai thi dushmani apni

mohabbat adāvat vafā be-ruḳhī

kirā.e ke ghar the badalte rahe

mohabbat adawat wafa be-ruKHi

kirae ke ghar the badalte rahe

dushmanī laakh sahī ḳhatm na kiije rishta

dil mile yā na mile haath milāte rahiye

dushmani lakh sahi KHatm na kije rishta

dil mile ya na mile hath milate rahiye

ta.alluq hai na ab tark-e-ta.alluq

ḳhudā jaane ye kaisī dushmanī hai

talluq hai na ab tark-e-talluq

KHuda jaane ye kaisi dushmani hai