Sher on Attitude

kaise kaheñ ki tujh ko bhī ham se hai vāsta koī

tū ne to ham se aaj tak koī gila nahīñ kiyā

kaise kahen ki tujh ko bhi hum se hai wasta koi

tu ne to hum se aaj tak koi gila nahin kiya

kaash vo rāste meñ mil jaa.e

mujh ko muñh pher kar guzarnā hai

kash wo raste mein mil jae

mujh ko munh pher kar guzarna hai

chāhiye hai mujhe inkār-e-mohabbat mire dost

lekin is meñ tirā inkār nahīñ chāhiye hai

chahiye hai mujhe inkar-e-mohabbat mere dost

lekin is mein tera inkar nahin chahiye hai

ham ko miTā sake ye zamāne meñ dam nahīñ

ham se zamāna ḳhud hai zamāne se ham nahīñ

hum ko miTa sake ye zamane mein dam nahin

hum se zamana KHud hai zamane se hum nahin

ham-safar chāhiye hujūm nahīñ

ik musāfir bhī qāfila hai mujhe

ham-safar chahiye hujum nahin

ek musafir bhi qafila hai mujhe

kyā kaheñ kitne marāsim the hamāre us se

vo jo ik shaḳhs hai muñh pher ke jaane vaalā

kya kahen kitne marasim the hamare us se

wo jo ek shaKHs hai munh pher ke jaane wala

bāzīcha-e-atfāl hai duniyā mire aage

hotā hai shab-o-roz tamāshā mire aage

bazicha-e-atfal hai duniya mere aage

hota hai shab-o-roz tamasha mere aage

nahīñ duniyā ko jab parvā hamārī

to phir duniyā kī parvā kyuuñ kareñ ham

nahin duniya ko jab parwa hamari

to phir duniya ki parwa kyun karen hum

raas aane lagī duniyā to kahā dil ne ki jā

ab tujhe dard kī daulat nahīñ milne vaalī

ras aane lagi duniya to kaha dil ne ki ja

ab tujhe dard ki daulat nahin milne wali

inqalāb ek ḳhvāb hai so hai

dil kī duniyā ḳharāb hai so hai

inqalab ek KHwab hai so hai

dil ki duniya KHarab hai so hai

kyā hai jo ho gayā huuñ maiñ thoḌā bahut ḳharāb

thoḌā bahut ḳharāb to honā bhī chāhiye

kya hai jo ho gaya hun main thoDa bahut KHarab

thoDa bahut KHarab to hona bhi chahiye

sūraj huuñ zindagī kī ramaq chhoḌ jā.ūñgā

maiñ Duub bhī gayā to shafaq chhoḌ jā.ūñgā

suraj hun zindagi ki ramaq chhoD jaunga

main Dub bhi gaya to shafaq chhoD jaunga