barq-e-zamāna duur thī lekin mish.al-e-ḳhāna duur na thī

ham to 'zahīr' apne hī ghar kī aag meñ jal kar ḳhaak hue

barq-e-zamana dur thi lekin mishal-e-KHana dur na thi

hum to 'zahir' apne hi ghar ki aag mein jal kar KHak hue

hameñ ḳhabar hai ki ham haiñ charāġh-e-āḳhir-e-shab

hamāre ba.ad añdherā nahīñ ujālā hai

hamein KHabar hai ki hum hain charagh-e-aKHir-e-shab

hamare baad andhera nahin ujala hai

hijr ke daur meñ har daur ko shāmil kar leñ

is meñ shāmil yahī ik umr-e-gurezāñ kyuuñ hai

hijr ke daur mein har daur ko shamil kar len

is mein shamil yahi ek umr-e-gurezan kyun hai

ham ne apne ishq kī ḳhātir zanjīreñ bhī dekhīñ haiñ

ham ne un ke husn kī ḳhātir raqs bhī zer-e-dār kiyā

hum ne apne ishq ki KHatir zanjiren bhi dekhin hain

hum ne un ke husn ki KHatir raqs bhi zer-e-dar kiya

kul kā.enāt fikr se āzād ho ga.ī

insāñ misāl-e-dast-e-tah-e-sañg rah gayā

kul kaenat fikr se aazad ho gai

insan misal-e-dast-e-tah-e-sang rah gaya