kitnī fariyādeñ laboñ par ruk ga.iiñ

kitne ashk aahoñ meñ Dhal kar rah ga.e

kitni fariyaaden labon par ruk gain

kitne ashk aahon mein Dhal kar rah gae

husn kā dāman phir bhī ḳhālī

ishq ne lākhoñ ashk bikhere

husn ka daman phir bhi KHali

ishq ne lakhon ashk bikhere

sau baar chaman mahkā sau baar bahār aa.ī

duniyā kī vahī raunaq dil kī vahī tanhā.ī

sau bar chaman mahka sau bar bahaar aai

duniya ki wahi raunaq dil ki wahi tanhai

jab bhī do aañsū nikal kar rah ga.e

dard ke unvāñ badal kar rah ga.e

jab bhi do aansu nikal kar rah gae

dard ke unwan badal kar rah gae

kaun kis kā ġham khaa.e kaun kis ko bahlā.e

terī be-kasī tanhā mary bebasī tanhā

kaun kis ka gham khae kaun kis ko bahlae

teri be-kasi tanha mary bebasi tanha

maiñ tohfa le ke aayā huuñ tamannāoñ ke phūloñ kā

luTāne ko bahār-e-zindagānī le ke aayā huuñ

main tohfa le ke aaya hun tamannaon ke phulon ka

luTane ko bahaar-e-zindagani le ke aaya hun

jaane kis kī thī ḳhatā yaad nahīñ

ham hue kaise judā yaad nahīñ

jaane kis ki thi KHata yaad nahin

hum hue kaise juda yaad nahin

dekhe haiñ bahut ham ne hañgāme mohabbat ke

āġhāz bhī rusvā.ī anjām bhī rusvā.ī

dekhe hain bahut hum ne hangame mohabbat ke

aaghaz bhi ruswai anjam bhi ruswai

milte ga.e haiñ moḌ na.e har maqām par

baḌhtī ga.ī hai dūriyāñ manzil jagah jagah

milte gae hain moD nae har maqam par

baDhti gai hai duriyan manzil jagah jagah

is ālam-e-vīrāñ meñ kyā anjuman-ārā.ī

do roz kī mahfil hai ik umr kī tanhā.ī

is aalam-e-viran mein kya anjuman-arai

do roz ki mahfil hai ek umr ki tanhai

aaj 'tabassum' sab ke lab par

afsāne haiñ mere tere

aaj 'tabassum' sab ke lab par

afsane hain mere tere

ik faqat yaad hai jaanā un kā

aur kuchh is ke sivā yaad nahīñ

ek faqat yaad hai jaana un ka

aur kuchh is ke siwa yaad nahin

aisā na ho ye dard bane dard-e-lā-davā

aisā na ho ki tum bhī mudāvā na kar sako

aisa na ho ye dard bane dard-e-la-dawa

aisa na ho ki tum bhi mudawa na kar sako

ek sho.ala sā uThā thā dil meñ

jaane kis kī thī sadā yaad nahīñ

ek shoala sa uTha tha dil mein

jaane kis ki thi sada yaad nahin

roz dohrāte the afsāna-e-dil

kis tarah bhuul gayā yaad nahīñ

roz dohraate the afsana-e-dil

kis tarah bhul gaya yaad nahin

khul ke rone kī tamannā thī hameñ

ek do aañsū nikal kar rah ga.e

khul ke rone ki tamanna thi hamein

ek do aansu nikal kar rah gae

diloñ kā zikr hī kyā hai mileñ mileñ na mileñ

nazar milāo nazar se nazar kī baat karo

dilon ka zikr hi kya hai milen milen na milen

nazar milao nazar se nazar ki baat karo

auroñ kī mohabbat ke dohrā.e haiñ afsāne

baat apnī mohabbat kī hoñToñ pe nahīñ aa.ī

auron ki mohabbat ke dohrae hain afsane

baat apni mohabbat ki honTon pe nahin aai