ai mohabbat tujhe ḳhabar hogī

dard uTh uTh ke DhūñDhtā kyā hai

ai mohabbat tujhe KHabar hogi

dard uTh uTh ke DhunDhta kya hai

ek parda sā hai fareb-e-nazar

ye bhī uTThe to dekhnā kyā hai

ek parda sa hai fareb-e-nazar

ye bhi uTThe to dekhna kya hai

jise samjhā hai tū ai sang-dil mai-ḳhvāriyāñ merī

tire ḳhalvat-kade meñ haiñ vo shab-bedāriyāñ merī

jise samjha hai tu ai sang-dil mai-KHwariyan meri

tere KHalwat-kade mein hain wo shab-bedariyan meri

maiñ ne har taḳhrīb meñ dekhī hai ik ta.amīr bhī

merā miT jaanā bhī hai himmat-fazā mere liye

main ne har taKHrib mein dekhi hai ek tamir bhi

mera miT jaana bhi hai himmat-faza mere liye

piine ko yuuñ to shaiḳh bhī tayyār haiñ magar

kahte haiñ shart ye hai girah se na zar khule

pine ko yun to shaiKH bhi tayyar hain magar

kahte hain shart ye hai girah se na zar khule