bahr-e-ayādat aa.e vo lekin qazā ke saath

dam hī nikal gayā mirā āvāz-e-pā ke saath

bahr-e-ayaadat aae wo lekin qaza ke sath

dam hi nikal gaya mera aawaz-e-pa ke sath

umr to saarī kaTī ishq-e-butāñ meñ 'momin'

āḳhirī vaqt meñ kyā ḳhaak musalmāñ hoñge

umr to sari kaTi ishq-e-butan mein 'momin'

aaKHiri waqt mein kya KHak musalman honge

ġhairoñ pe khul na jaa.e kahīñ raaz dekhnā

merī taraf bhī ġhamza-e-ġhammāz dekhnā

ghairon pe khul na jae kahin raaz dekhna

meri taraf bhi ghamza-e-ghammaz dekhna

us naqsh-e-pā ke sajde ne kyā kyā kiyā zalīl

maiñ kūcha-e-raqīb meñ bhī sar ke bal gayā

us naqsh-e-pa ke sajde ne kya kya kiya zalil

main kucha-e-raqib mein bhi sar ke bal gaya

hai kuchh to baat 'momin' jo chhā ga.ī ḳhamoshī

kis but ko de diyā dil kyuuñ but se ban ga.e ho

hai kuchh to baat 'momin' jo chha gai KHamoshi

kis but ko de diya dil kyun but se ban gae ho

dīda-e-hairāñ ne tamāshā kiyā

der talak vo mujhe dekhā kiyā

dida-e-hairan ne tamasha kiya

der talak wo mujhe dekha kiya

mahshar meñ paas kyuuñ dam-e-fariyād aa gayā

rahm us ne kab kiyā thā ki ab yaad aa gayā

mahshar mein pas kyun dam-e-fariyaad aa gaya

rahm us ne kab kiya tha ki ab yaad aa gaya

mere taġh.īr-e-rañg ko mat dekh

tujh ko apnī nazar na ho jaa.e

mere taghir-e-rang ko mat dekh

tujh ko apni nazar na ho jae

kiyā tum ne qatl-e-jahāñ ik nazar meñ

kisī ne na dekhā tamāshā kisī kā

kiya tum ne qatl-e-jahan ek nazar mein

kisi ne na dekha tamasha kisi ka

māñgā kareñge ab se duā hijr-e-yār kī

āḳhir to dushmanī hai asar ko duā ke saath

manga karenge ab se dua hijr-e-yar ki

aaKHir to dushmani hai asar ko dua ke sath

shab jo masjid meñ jā phañse 'momin'

raat kaaTī ḳhudā ḳhudā kar ke

shab jo masjid mein ja phanse 'momin'

raat kaTi KHuda KHuda kar ke

majlis meñ mire zikr ke aate hī uThe vo

badnāmi-e-ushshāq kā e.azāz to dekho

majlis mein mere zikr ke aate hi uThe wo

badnami-e-ushshaq ka eazaz to dekho

ejāz-e-jāñ-dahī hai hamāre kalām ko

zinda kiyā hai ham ne masīhā ke naam ko

ejaz-e-jaan-dahi hai hamare kalam ko

zinda kiya hai hum ne masiha ke nam ko

kar ilāj-e-josh-e-vahshat chāragar

lā de ik jañgal mujhe bāzār se

kar ilaj-e-josh-e-wahshat chaaragar

la de ek jangal mujhe bazar se

dushnām-e-yār tab-e-hazīñ par girāñ nahīñ

ai ham-nashīñ nazākat-e-āvāz dekhnā

dushnam-e-yar tab-e-hazin par giran nahin

ai ham-nashin nazakat-e-awaz dekhna

maiñ bhī kuchh ḳhush nahīñ vafā kar ke

tum ne achchhā kiyā nibāh na kī

main bhi kuchh KHush nahin wafa kar ke

tum ne achchha kiya nibah na ki

ho gayā rāz-e-ishq be-parda

us ne parde se jo nikālā muñh

ho gaya raaz-e-ishq be-parda

us ne parde se jo nikala munh

itnī kudūrat ashk meñ hairāñ huuñ kyā kahūñ

dariyā meñ hai sarāb ki dariyā sarāb meñ

itni kudurat ashk mein hairan hun kya kahun

dariya mein hai sarab ki dariya sarab mein

tum hamāre kisī tarah na hue

varna duniyā meñ kyā nahīñ hotā

tum hamare kisi tarah na hue

warna duniya mein kya nahin hota

kisī kā huā aaj kal thā kisī kā

na hai tū kisī kā na hogā kisī kā

kisi ka hua aaj kal tha kisi ka

na hai tu kisi ka na hoga kisi ka

vo jo ham meñ tum meñ qarār thā tumheñ yaad ho ki na yaad ho

vahī yaanī va.ada nibāh kā tumheñ yaad ho ki na yaad ho

wo jo hum mein tum mein qarar tha tumhein yaad ho ki na yaad ho

wahi yani wada nibah ka tumhein yaad ho ki na yaad ho

ne jaa.e vaañ bane hai ne bin jaa.e chain hai

kyā kījiye hameñ to hai mushkil sabhī tarah

ne jae wan bane hai ne bin jae chain hai

kya kijiye hamein to hai mushkil sabhi tarah

royā kareñge aap bhī pahroñ isī tarah

aTkā kahīñ jo aap kā dil bhī mirī tarah

roya karenge aap bhi pahron isi tarah

aTka kahin jo aap ka dil bhi meri tarah

hai kis kā intizār ki ḳhvāb-e-adam se bhī

har baar chauñk paḌte haiñ āvāz-e-pā ke saath

hai kis ka intizar ki KHwab-e-adam se bhi

har bar chaunk paDte hain aawaz-e-pa ke sath

sāhab ne is ġhulām ko āzād kar diyā

lo bandagī ki chhūT ga.e bandagī se ham

sahab ne is ghulam ko aazad kar diya

lo bandagi ki chhuT gae bandagi se hum

kal tum jo bazm-e-ġhair meñ āñkheñ churā ga.e

kho.e ga.e ham aise ki aġhyār pā ga.e

kal tum jo bazm-e-ghair mein aankhen chura gae

khoe gae hum aise ki aghyar pa gae

le shab-e-vasl-e-ġhair bhī kaaTī

tū mujhe āzmā.egā kab tak

le shab-e-wasl-e-ghair bhi kaTi

tu mujhe aazmaega kab tak

paiham sujūd pā-e-sanam par dam-e-vidā

'momin' ḳhudā ko bhuul ga.e iztirāb meñ

paiham sujud pa-e-sanam par dam-e-wida

'momin' KHuda ko bhul gae iztirab mein

haath TūTeñ maiñ ne gar chheḌī hoñ zulfeñ aap kī

aap ke sar kī qasam bād-e-sabā thī maiñ na thā

hath TuTen main ne gar chheDi hon zulfen aap ki

aap ke sar ki qasam baad-e-saba thi main na tha

Dartā huuñ āsmān se bijlī na gir paḌe

sayyād kī nigāh sū-e-āshiyāñ nahīñ

Darta hun aasman se bijli na gir paDe

sayyaad ki nigah su-e-ashiyan nahin

hāl-e-dil yaar ko likhūñ kyūñkar

haath dil se judā nahīñ hotā

haal-e-dil yar ko likhun kyunkar

hath dil se juda nahin hota

Thānī thī dil meñ ab na mileñge kisī se ham

par kyā kareñ ki ho ga.e nā-chār jī se ham

Thani thi dil mein ab na milenge kisi se hum

par kya karen ki ho gae na-chaar ji se hum

tū kahāñ jā.egī kuchh apnā Thikāna kar le

ham to kal ḳhvāb-e-adam meñ shab-e-hijrāñ hoñge

tu kahan jaegi kuchh apna Thikana kar le

hum to kal KHwab-e-adam mein shab-e-hijran honge

us ġhairat-e-nāhīd kī har taan hai dīpak

sho.ala sā lapak jaa.e hai āvāz to dekho

us ghairat-e-nahid ki har tan hai dipak

shoala sa lapak jae hai aawaz to dekho

chal diye sū-e-haram kū-e-butāñ se 'momin'

jab diyā ranj butoñ ne to ḳhudā yaad aayā

chal diye su-e-haram ku-e-butan se 'momin'

jab diya ranj buton ne to KHuda yaad aaya

vo aa.e haiñ pashemāñ laash par ab

tujhe ai zindagī lā.ūñ kahāñ se

wo aae hain pasheman lash par ab

tujhe ai zindagi laun kahan se

sun ke merī marg bole mar gayā achchhā huā

kyā burā lagtā thā jis dam sāmne aa jaa.e thā

sun ke meri marg bole mar gaya achchha hua

kya bura lagta tha jis dam samne aa jae tha

ham samajhte haiñ āzmāne ko

uzr kuchh chāhiye satāne ko

hum samajhte hain aazmane ko

uzr kuchh chahiye satane ko

go aap ne javāb burā hī diyā vale

mujh se bayāñ na kiije adū ke payām ko

go aap ne jawab bura hi diya wale

mujh se bayan na kije adu ke payam ko

na karo ab nibāh kī bāteñ

tum ko ai mehrbān dekh liyā

na karo ab nibah ki baaten

tum ko ai mehrban dekh liya

ab shor hai misāl-e-jūdī is ḳhirām ko

yuuñ kaun jāntā thā qayāmat ke naam ko

ab shor hai misal-e-judi is KHiram ko

yun kaun jaanta tha qayamat ke nam ko

aap kī kaun sī baḌhī izzat

maiñ agar bazm meñ zalīl huā

aap ki kaun si baDhi izzat

main agar bazm mein zalil hua

kabhī ham meñ tum meñ bhī chaah thī kabhī ham se tum se bhī raah thī

kabhī ham bhī tum bhī the āshnā tumheñ yaad ho ki na yaad ho

kabhi hum mein tum mein bhi chah thi kabhi hum se tum se bhi rah thi

kabhi hum bhi tum bhi the aashna tumhein yaad ho ki na yaad ho

ho ga.e nām-e-butāñ sunte hī 'momin' be-qarār

ham na kahte the ki hazrat pārsā kahne ko haiñ

ho gae nam-e-butan sunte hi 'momin' be-qarar

hum na kahte the ki hazrat parsa kahne ko hain

sīna-kūbī se zamīñ saarī hilā ke uTThe

kyā alam dhuum se tere shohadā ke uTThe

sina-kubi se zamin sari hila ke uTThe

kya alam dhum se tere shohada ke uTThe

kis pe marte ho aap pūchhte haiñ

mujh ko fikr-e-javāb ne maarā

kis pe marte ho aap puchhte hain

mujh ko fikr-e-jawab ne mara

kuchh qafas meñ in dinoñ lagtā hai jī

āshiyāñ apnā huā barbād kyā

kuchh qafas mein in dinon lagta hai ji

aashiyan apna hua barbaad kya

tum mire paas hote ho goyā

jab koī dūsrā nahīñ hotā

tum mere pas hote ho goya

jab koi dusra nahin hota

ma.ashūq se bhī ham ne nibhā.ī barābarī

vaañ lutf kam huā to yahāñ pyaar kam huā

mashuq se bhi hum ne nibhai barabari

wan lutf kam hua to yahan pyar kam hua

kyā jaane kyā likhā thā use iztirāb meñ

qāsid kī laash aa.ī hai ḳhat ke javāb meñ

kya jaane kya likha tha use iztirab mein

qasid ki lash aai hai KHat ke jawab mein