tere baġhair lagtā hai goyā ye zindagī

tanqīd kar rahī hai mirī ḳhvāhishāt par

tere baghair lagta hai goya ye zindagi

tanqid kar rahi hai meri KHwahishat par

kyā zamāna thā ki ham ḳhuub jachā karte the

ab to māñge kī sī lagtī haiñ qabā.eñ apnī

kya zamana tha ki hum KHub jacha karte the

ab to mange ki si lagti hain qabaen apni

vo majbūrī maut hai jis meñ kaase ko buniyād mile

pyaas kī shiddat jab baḌhtī hai Dar lagtā hai paanī se

wo majburi maut hai jis mein kase ko buniyaad mile

pyas ki shiddat jab baDhti hai Dar lagta hai pani se

maiñ baiTh gayā ḳhaak pe tasvīr banāne

jo kibr the mujh meñ vo tirī yaad se nikle

main baiTh gaya KHak pe taswir banane

jo kibr the mujh mein wo teri yaad se nikle

ghar meñ rahnā mirā goyā use manzūr nahīñ

jab bhī aatā hai nayā kaam batā jaatā hai

ghar mein rahna mera goya use manzur nahin

jab bhi aata hai naya kaam bata jata hai

guzar chukā hai zamāna visāl karne kā

ye koī vaqt hai tere kamāl karne kā

guzar chuka hai zamana visal karne ka

ye koi waqt hai tere kamal karne ka

Dar hai kahīñ maiñ dasht kī jānib nikal na jā.ūñ

baiThā huuñ apne paañv meñ zanjīr Daal kar

Dar hai kahin main dasht ki jaanib nikal na jaun

baiTha hun apne panw mein zanjir Dal kar

ham apne zāhir o bātin kā andāza lagā leñ

phir us ke sāmne jaane kī tayyārī kareñge

hum apne zahir o baatin ka andaza laga len

phir us ke samne jaane ki tayyari karenge

terī hī tarah aatā hai ā.ankhoñ meñ tirā ḳhvāb

sachchā nahīñ hotā kabhī jhūTā nahīñ hotā

teri hi tarah aata hai aaankhon mein tera KHwab

sachcha nahin hota kabhi jhuTa nahin hota

havā charāġh bujhāne lagī to ham ne bhī

diye kī lau kī jagah terā intizār rakhā

hawa charagh bujhane lagi to hum ne bhi

diye ki lau ki jagah tera intizar rakha

tū ḳhud bhī jāgtā rah aur mujh ko bhī jagātā rah

nahīñ to zindagī ko dūsrā qissa pakaḌ legā

tu KHud bhi jagta rah aur mujh ko bhi jagata rah

nahin to zindagi ko dusra qissa pakaD lega

jagah badalne se hai.at kahāñ badaltī hai

jo aa.ina hai sadā aa.ina rahegā vo

jagah badalne se haiat kahan badalti hai

jo aaina hai sada aaina rahega wo

jis din ke guzarte hī yahāñ raat huī hai

ai kaash vo din maiñ ne guzārā nahīñ hotā

jis din ke guzarte hi yahan raat hui hai

ai kash wo din main ne guzara nahin hota

bahut kuchh tum se kahnā thā magar maiñ kah na paayā

lo merī Diary rakh lo mujhe niiñd aa rahī hai

bahut kuchh tum se kahna tha magar main kah na paya

lo meri Diary rakh lo mujhe nind aa rahi hai

jis lafz ko maiñ toḌ ke ḳhud TuuT gayā huuñ

kahtā bhī to vo us ko gavārā nahīñ hotā

jis lafz ko main toD ke KHud TuT gaya hun

kahta bhi to wo us ko gawara nahin hota

ham-sā.e kā sukh to us ke ḳhvāb kā puurā honā hai

tum par riqqat taarī ho to ro lo lekin shor na ho

ham-sae ka sukh to us ke KHwab ka pura hona hai

tum par riqqat tari ho to ro lo lekin shor na ho

aañkh se aañkh milānā to suḳhan mat karnā

Tok dene se kahānī kā mazā jaatā hai

aankh se aankh milana to suKHan mat karna

Tok dene se kahani ka maza jata hai

ḳhud ko maiñ bhalā zer-e-zamīñ kaise dabātā

jitne bhī khañDar nikle vo ābād se nikle

KHud ko main bhala zer-e-zamin kaise dabaata

jitne bhi khanDar nikle wo aabaad se nikle

jaise sajde meñ qatl ho koī

aisā hotā hai chāhatoñ kā mazā

jaise sajde mein qatl ho koi

aisa hota hai chahaton ka maza

javāb detā hai mere har ik savāl kā vo

magar savāl bhī us kī taraf se hotā hai

jawab deta hai mere har ek sawal ka wo

magar sawal bhi us ki taraf se hota hai

'mohsin' bure dinoñ meñ nayā dost kaun ho

hai jis kā pahlā qarz usī se savāl kar

'mohsin' bure dinon mein naya dost kaun ho

hai jis ka pahla qarz usi se sawal kar

ajiib shaḳhs thā lauTā gayā mirā sab kuchh

muāvza na liyā dekh-bhāl karne kā

ajib shaKHs tha lauTa gaya mera sab kuchh

muawza na liya dekh-bhaal karne ka

bahut achchhā tirī qurbat meñ guzrā aaj kā din

bas ab ghar jā.eñge aur kal kī tayyārī kareñge

bahut achchha teri qurbat mein guzra aaj ka din

bas ab ghar jaenge aur kal ki tayyari karenge