aariz pe rahī zulf-e-siyah-fām hamesha

pāmāl rahā kufr kā islām hamesha

aariz pe rahi zulf-e-siyah-fam hamesha

pamal raha kufr ka islam hamesha

baiThe jo us galī meñ na mar kar bhī uTThe ham

ik Dher gir ke ho ga.e dīvār kī tarah

baiThe jo us gali mein na mar kar bhi uTThe hum

ek Dher gir ke ho gae diwar ki tarah

ba-qaid-e-vaqt paḌhī maiñ ne pañjgāna namāz

sharāb piine meñ kuchh ehtiyāt mujh ko nahīñ

ba-qaid-e-waqt paDhi main ne panjgana namaz

sharab pine mein kuchh ehtiyat mujh ko nahin

husn un kā agar hai sañgīñ-dil

ishq apnā bhī saḳht baazū hai

husn un ka agar hai sangin-dil

ishq apna bhi saKHt bazu hai

maiñ kahūñ aap tumheñ aap kaheñ tum mujh ko

tum jatāte nahīñ kis roz tahakkum mujh ko

main kahun aap tumhein aap kahen tum mujh ko

tum jatate nahin kis roz tahakkum mujh ko