aañsū tumhārī aañkh meñ aa.e to uTh ga.e

ham jab karam kī taab na laa.e to uTh ga.e

aansu tumhaari aankh mein aae to uTh gae

hum jab karam ki tab na lae to uTh gae

dil par barf kī sil rakh denā nāgan ban kar Das lenā

apne liye donoñ hī barābar kaalī ho ki ujālī raat

dil par barf ki sil rakh dena nagan ban kar Das lena

apne liye donon hi barabar kali ho ki ujali raat

kuchh ḳhvāb kuchh ḳhayāl meñ mastūr ho ga.e

tum kyā qarīb nikle ki sab duur ho ga.e

kuchh KHwab kuchh KHayal mein mastur ho gae

tum kya qarib nikle ki sab dur ho gae

tumhārī bazm se jab bhī uThe to hāl-zada

kabhī javāb ke maare kabhī savāl-zada

tumhaari bazm se jab bhi uThe to haal-zada

kabhi jawab ke mare kabhi sawal-zada

un ko bhī 'jamīl' apne muqaddar se gila hai

vo log jo sunte the ki chālāk bahut haiñ

un ko bhi 'jamil' apne muqaddar se gila hai

wo log jo sunte the ki chaalak bahut hain